Vanesa Vázquez
-
Vinte en Lalín Arte, astronomía e cocido, que non falte, no corazón de Galicia
LugaresLalín é moito. Nesta vila estratexicamente situada naceu a investigación astronómica de Galicia con Ramón María Aller; é unha terra de artistas internacionais, como Laxeiro ou Colmeiro, que nunca deixaron de mirar cara á súa casa e un lugar onde a máis recoñecida festa gastronómica galega, a do Cocido, dura un mes enteiro. Cruzamento de camiños e lendas, Lalín é unha vila con vida propia, poboación estable, a cabeceira da comarca do Deza, onde sempre hai unha escusa para nos achegar… e volver.
Coa colaboración de
-
Pastor Eléctrico A potencia da música ao servizo das historias do rural galego
MúsicaAs letras son as protagonistas e a música, unha descarga eléctrica no momento exacto. No primeiro disco de Pastor Eléctrico atopamos historias inspiradas por persoas, lugares, cheiros ou sons reais do rural galego que Diego Guerrero foi atopando no seu percorrido por Galicia co programa Cos pés na terra, da TVG. “Eu non tiven aldea de pequeno como tal e entón atopei agora de maior a miña aldea percorrendo moitos lugares de Galicia e gravando moitas persoas”. Diego Guerrero é o director desta serie documental finalista como Mellor Programa e Mellor Realización nesta edición dos Premios Mestre Mateo. E desa experiencia agroman as dez cancións do primeiro traballo de Pastor Eléctrico.
-
As Tanxus, Bad Bunny e o ‘valor’ da identidade
MúsicaDi a música e antropóloga galega María Xosé Silvar, SÉS, con todo o sentido do mundo, que “mainstream disidente” é un sintagma paradoxal en si mesmo. Na música poucas cousas hai na actualidade máis mainstream que o reguetón e precisamente por iso resultou tan rechamante a mensaxe deixada por Benito Antonio Ocasio Martínez, Bad Bunny, no seu show do intermedio da última Super Bowl. A cultura, como a lingua, é unha arma, unha ferramenta de batalla das ideas que tamén utilizan as forzas políticas para “facer comunidade” e as artistas hai tempo que non poden esquivar posicionamentos ideolóxicos.
-
Entrevista | Nervo, Rebeliom do Inframundo “Neste disco hai bastante felpa a nivel social. Coa extrema dereita sen vergoña temos que alzar a voz”
MúsicaXuntábanse detrás da estación de autobuses de Ponteareas nos primeiros 2000, onde os edificios a medio construír suxerían estar nunha especie de inframundo. Era un lugar perfecto para esas primeiras rimas salvaxes da mocidade e para armar unha rebeliom que continúa a día de hoxe. Alcumárano o Nervo pola súa intensidade ao rapear, mais a voz de Rebeliom do Inframundo chámase Cristopher Machado Ibáñez e naceu en Caracas en 1988, aínda que xa de ben cativo chegou para quedar a Galicia, a terra dos seus pais emigrantes. O Nervo está de parabéns: deixou un traballo que o oprimía para dedicarse completamente a súa paixón, a música, e Rebeliom vén de publicar o seu quinto disco: Orgulho (Galunk Producións). O grupo inicia nos vindeiros días a xira de presentación deste traballo en salas, cun único bolo galego para este formato: será na Capitol de Santiago o 8 de maio.
-
Filmika Galaika volve ás súas orixes con 'Krakatoa': “É máis ca unha película”
CinemaO filme Krakatoa vén de vivir a súa estrea no festival de cinema de Rotterdam. Alí os pases estiveron cheos para presenciar un produto cinematográfico diferente, que nace como live cinema e performance artística coas miras postas en centros de arte. En Krakatoa acompañamos a un pescador de Indonesia na súa actividade ata que chega a erupción do volcán, a destrución e o son máis forte xamais ouvido. Para Beli Martínez, produtora executiva con Filmika Galaika, é unha película “superauténtica e radical” que lles permitiu volver ás orixes.
-
Contas que deberías seguir Series web ilustradas, arquitectura e fútbol feminino, na final dos Premios Revelación de Youtubeiras+
VINTE na redeSeguro que xa tes ouvido falar delas e, se non, deberías. Estas canles veñen de ser seleccionadas como finalistas do Premios Youtubeiras+ na categoría de Revelación con todo o merecemento. Falamos coas creadoras e creadores de Miradenovo, O búnker, Mareando xogo e Langráns, catro contas de Instagram que están a funcionar moi ben con contidos en galego de temáticas diferentes que van desde a divulgación sobre arquitectura ou deseño, o fútbol feminino da Costa da Morte ou o humor a través de cómics multiformato.
-
Vinte no Carballiño. As augas, o polbo e ‘mil’ bares para quedar
LugaresVinte na vila estivo no Carballiño o 19 de decembro. Polas rúas soaban as panxoliñas e a veciñanza apuraba as compras do Nadal. No noso percorrido puidemos gozar dun paseo a pé polas rúas do centro ou pola beira do Arenteiro, admirar a paisaxe da contorna, a Ínsua do Poetas; e degustar O Carballiño, desde as deliciosas cañas fritas ata o histórico polbo, á feira, claro. Estamos nunha vila marcada pola emigración e as divisas que chegan para converterse en impoñentes chalés; as augas termais sanadoras, a súa situación xeográfica estratéxica e a omnipresenza de bares e restaurantes, algo que aplauden tanto locais como visitantes.
Coa colaboración de
-
Libraría Cartabón: “Nós sempre recomendamos libros en galego”
VINTE na rúaIndependencia e liberdade. A libraría Cartabón vén de facer 40 anos ás portas do Calvario en Vigo, centrada na venda do libro en galego. Gonzalo e Maribel, Maribel e Gonzalo, son toda unha institución no seu e non agochan a súa satisfacción polo camiño percorrido, que os sitúa a día de hoxe como unha libraría de barrio totalmente independente. “Non lle debemos nada a ninguén; vivimos sen subvencións e facemos o que cremos que está ben”, defenden.
Coa colaboración de
-
Bibí Bouza, presidenta do Emevé “En Lugo o voleibol deixou de ser un deporte minoritario hai tempo”
VINTE na rúa“Din que o vólei é un dos deportes mellor asimilados polas mulleres. E o certo que é un deporte moi técnico e as mulleres somos moi metódicas. O voleibol feminino é moi vistoso”. Dicir Bibí Bouza é sinónimo de voleibol en Lugo. A presidenta e fundadora do Club voleibol Emevé de Lugo xogou ata os 51 anos e relata e aínda que o 80% dos integrantes do club son mulleres, cada vez son máis os nenos que proban e quedan neste deporte, e por primeira vez teñen rapaces, ademais de rapazas, na lista de espera para formar parte dos diferentes equipos.
Coa colaboración de
-
“A isto xogaba a túa nai con oito anos”. Chega Pixel á feira, con récord de videoxogos galegos e moitos clásicos
VideoxogosVideoxogos clásicos e proxectos galegos. Este son os dous eixes sobre os que pivotan os contidos do primeiro salón galego do videoxogo, baixo o nome de Pixel á feira, que terá lugar este sábado e domingo en Compostela, con entrada de balde.
A feira celebrarase no Pazo de Congresos de Santiago con máis de 50 videoxogos creados en Galicia para probar e unha ampla programación que inclúe concertos, teatro, encontros con profesionais e ata un certame que recoñecerá a calidade e innovación de proxectos creados ou traducidos ao galego, da man da Deputación da Coruña, promotora da feira.
-
Igualdade, vivenda e diversidade: o activismo move os marcos nos anos 20
Xa está en marcha Mover os marcos. Festival das ideas para unha vida mellor. Este mércores arranca en Compostela a segunda edición dun festival pouco convencional que busca a reflexión para achegar ideas que poidan axudar a mocidade de hoxe en temas como a vivenda, o medio ambiente, as identidades, os dereitos ou a lingua. Falamos coas persoas que este venres pola tarde participarán na conversa “Vivir na Galiza dos anos 20”, sobre os necesarios activismos do día a día que, afortunadamente, están a mover os marcos para avanzar en dereitos e oportunidades. Son Daniela Ferrández, Iria Nande, Barry Elhadj Mamadou e Sonia Díaz.
Ofrecido por
-
Víctor Justo, creador de videoxogos: “Poder vivir do teu ‘hobby’ é o soño de calquera persoa”
VINTE na rúaTiña un grupo punk en Vigo chamado Woden e estudou soldadura, mais hai xa anos que Víctor Justo Dacruz gaña a vida como creador de videoxogos. No medio da pandemia montou a súa empresa, coas súa iniciais Vijuda, e colocou no mercado un xogo de condución estilo arcade con estética retro que leva a súa antiga banda no nome. Vijuda está a piques de facer público o cuarto videoxogo da saga Super Woden, coa que busca exaltar os coches clásicos, unha das súas grandes afeccións, xunto cos videoxogos, claro. “A día de hoxe o Súper Woden GP 2 é o videoxogo indie con máis coches e máis circuítos que existe, con 200 vehículos modelados”, asegura Víctor Justo.
Coa colaboración de