Artes

  • Sabela Eiriz. A mirada no lugar compartido

    De cativa Sabela Eiriz (Lugo, 1991) sempre quixo ser escritora, e mesmo actriz, mais foi atrapada pola maxia da fotografía, que se converteu na súa profesión. «Son fotógrafa e artista multidisciplinar». Antes, explica, dicía que era artista visual pero se sente máis cómoda coa expresión «multidisplinar» porque no seu traballo adoita combinar a imaxe con textos e vídeos.

    Neste 2024 Sabela Eiriz encadea exposicións, como a do Sarao Studio, en Ferrol, ou a Galería Néboa de Lugo, que conxuga co seu traballo na docencia da expresión plástica na Universidade da Coruña. 

    A memoria, o baleiro, ou os vínculos son as temáticas que traslocen nunha expresión artística sempre sincera e libre de artificios. Nuclear.

    Artes

  • Breogán Xague: «Gústame que haxa algo que non se acaba de solucionar»

    Breogán Xague, artista multidisciplinar, músico e poeta, vén de publicar Todos os lonxes (Chan da Pólvora), un poemario que se dá continuamente contra algún tipo de límite. Di o vigués que «calquera comeza escribir para poder poñer nome e achegarse a algo cun mínimo de fundamento». Neste caso fala desde o coñecemento dun cambio inminente na súa vida, unha mudanza a un país descoñecido, Suecia, no que se atopará máis preto da súa raíz galega

    Artes

  • Un tesouro cerca de ti. Ouro de reis para os ollos de Deus

    Durante uns 500 anos, monarquías católicas de toda Europa financiaron a Basílica do Santo Sepulcro de Xerusalén. Pero tamén manifestaban a súa devoción e o seu poderío mediante suntuosas doazóns artísticas a este templo, de profunda significación relixiosa e espiritual, mais tamén punto esencial para proxectar naquel tempo o poder de reis e príncipes. Todas aquelas doazóns compoñen un conxunto tan extraordinario como pouco coñecido. Agora témolo preto, aínda que por tempo limitado.

    Artes

  • Catara Rego. A artista que procura as pegadas

    Con tres anos preguntáronlle que quería ser de maior e Catara Rego contestou sen dubidalo: «Pintora». Con 27 anos comeza a despuntar polo seu traballo como fotógrafa cunha firme vontade de mostrar o que lle preocupa. «Os meus intereses son as pegadas. A relación entre paisaxe, identidade e territorio», salienta.

    Artes

  • Lara Lars: «Parézome moito ás miñas ilustracións»

    Lara Lars (Salceda de Caselas, 1986) colecciona fotos, recortes de revistas e flyers desde sempre. É arquitecta pero decidiu arriscar e centrarse nas súas creacións artísticas aínda que non tiña contactos no mundo da arte nin un apelido pomposo co que moverse en Madrid. Co seu ‘apelido inventado’ e as súas inquietudes estéticas e de reivindicación da muller logrou crear un estilo propio e recoñecible a través dos seus collages.

    Artes

  • Lúa Gándara. Facerse visible no espazo público

    A artista Lúa Gándara leva todo setembro habitando as Torres Hejduk da Cidade da Cultura nun proxecto que busca compartir as súas obras coas persoas visitantes e converter este espazo do Gaiás nun taller aberto a través do que achegar a arte contemporánea a todo o mundo

    Artes