VINTE almorzando con Deleite

  • Vinte almorzando con Vero Boquete

    Hai tempo que Vero Boquete é referente. Éo no campo e fóra. Con 20 anos como futbolista profesional e un estadio co seu nome na súa terra (Compostela) foi a primeira futbolista española en gañar unha Champions e a primeira muller comentarista dunha Eurocopa masculina, en 2024 con TVE. A que fora capitana da selección española segue en activo en Italia e estes días comenta os partidos da selección española feminina na Eurocopa de Suíza. 

    Almorzamos e conversamos coa crack galega sobre os seus comezos, a “soidade e morriña” na vida dunha futbolista profesional ou o seu futuro como adestradora co obxectivo de chegar “ao máximo nivel”. 

    VINTE almorzando con Deleite

    Coa colaboración de

  • Vinte almorzando con Mondra

    "Non teño o recordo de querer ser outra cousa". Almorzamos e parolamos co cantante, compositor e bailarín Mondra, que vén de publicar o seu segundo disco "De Ronda". O artista reflexiona sobre o rápido que está a acontecer todo na súa carreira musical, a conexión tan boa e tan forte que os seus temas acadaron co público e o novo reto que supuxo este álbum, feito da man do Hevi. Un traballo onde segue a dialogar coa tradición oral galega, pero dun xeito máis orgánico e prescindindo da electrónica. 

    Mondra fala das súas referentes, as mulleres que escoitaba cantar de pequeno como Sés ou Guadi Galego, e do reto que supón achegar o seu traballo ao público como el quere e non como mandan as redes sociais, que nos teñen a todos "escravizados".

    VINTE almorzando con Deleite

    Coa colaboración de

  • Vinte almorzando en Cans con Nerea Barros

    A voz profunda e serena de Nerea Barros protagoniza este novo almorzo con Deleite, que fixemos no Festival de Cans, onde a actriz e directora recibiu o Chimpín de Prata. Gañadora dun premio Goya polo seu papel en "La Isla Mínima", afronta agora novos retos detrás das cámaras coas longametraxes "Raíces" e "O da miña nai" . 

    Con ela falamos da súa infancia no Eixo, en Santiago, onde creceu feliz, cun campo de xogos "inmenso" ou da súa relación coa lingua galega e por que tomou a decisión de falala "o mellor posible" aos 14 anos. "Os meus pais sufriron acoso por ser galegofalantes e comigo falaban en castelán. Iso sempre foi unha ferida aberta dentro de min que me descolocaba", asegura Nerea Barros. 

    VINTE almorzando con Deleite

    Coa colaboración de

  • Vinte almorzando con Hugo López

    «Quero facer unha industria máis ecolóxica e máis ética. Quero chegar arriba para ter poder e voz para mellorar as cousas». Hugo López apenas ten 21 anos mais o seu discurso amosa madurez e coñecemento do seu sector. Ten as cousas moi claras. 

    Conversamos co deseñador de Melide sobre a industria da moda, á que entregou a súa vida, mais nunca poderá tomala en serio porque «é ridícula en si mesma, con prototipos de beleza inalcanzables». Hugo López lamenta que somos «adictos ás compras» e defende a roupa de segunda man, arranxar, no canto de tirar, e o uso do coiro, malia ser vexetariano, como un subproduto que resulta máis ecolóxico ca os plásticos.

    VINTE almorzando con Deleite

    Coa colaboración de

  • Vinte almorzando con María Vázquez

    Conversamos coa actriz María Vázquez no seu sitio favorito: a Ribeira Sacra. Hai xa un tempo que decidiu vivir por esas fermosas terras para poder conciliar a súa vida familiar e profesional e non podía estar máis a gusto. Vázquez fala do clamor que se viviu na gala dos Premios Mestre Mateo contra a papeleira Altri e da vinculación natural entre cultura e política. "Todo é política", asegura.

    Falamos tamén sobre o necesario coidado da lingua galega ou de democratizar a cultura. "Necesitamos voces da clase obreira que conten o mundo como está porque cada vez estamos a facer máis cultura de ricos para ricos", explica María Vázquez.

    VINTE almorzando con Deleite

    Coa colaboración de

  • Vinte almorzando con Touriñán

    Recuncamos no Vinte almorzando da man de Deleite e falamos con Xosé Antonio Touriñán. O actor e humorista recibiunos na súa casa e con el conversamos sobre a necesidade de rir todos os días, dos seus comezos «por casualidade», de traballar moito e gozar coa profesión, de premios non gañados ou dos acentos –que non falten- no audiovisual. 

    VINTE almorzando con Deleite

    Coa colaboración de

  • Vinte almorzando en Cans con Tamar Novas

    Tamar Novas exerce de galego en Madrid desde hai anos, rodeado de amigos cos que mantén a lingua, o amor pola nosa cultura e a necesidade de xuntarse cada pouco diante dunha boa comida. O actor compostelán recibiu o Chimpín de Prata este ano no Festival de Cans e aproveitamos a ocasión para almorzar con el e con Deleite, recordando os almorzos contundentes que lle facía a súa avoa en Melide.

    VINTE almorzando con Deleite

    Coa colaboración de

  • Vinte almorzando con Guadi Galego

    Almorzamos coa música Guadi Galego con motivo do seu concerto no festival Revenidas 2021 en Vilaxoán. Falamos da vida cotiá e de como a pandemia mudou as nosas rutinas, pero tamén creou o espazo e o tempo para impulsar o seu último disco, 'Costuras'. Tamén do regreso ao directo e da enerxía especial que se creou nos concertos. Coa colaboración de Deleite. 

    VINTE almorzando con Deleite

    Coa colaboración de

  • Vinte almorzando en Cans con Jorge Coira

    Almorzamos con Jorge Coira no pasado festival de Cans, onde recibiu o premio de honra Pedrigree 2021. Cans é unha cita habitual para este director de cine e series, que empezou nos 90 facendo curtametraxes e que, tras a exitosa 'Hierro', comeza agora a rodaxe dunha nova serie para Movistar+, 'Rapa', tamén un thriller mais desta vez rodado en Ferrol e Cedeira e protagonizado por Javier Cámara. Falamos con el da súa experiencia vindo a Cans e da importancia da relación entre o cinema e o territorio, mentres almorzamos coa colaboración de Deleite.

    VINTE almorzando con Deleite

    Coa colaboración de

  • Vinte almorzando con Cris Iglesias

    Este está a ser o ano de Cris Iglesias. Finalista como mellor actriz nos Mestre Mateo por 'Eroski Paraíso' e nos María Casares por 'Liberto'. Premiada xa polo seu papel protagonista en '16 de decembro'. Xirando por Galicia coa versión teatral de 'Fariña' e na televisións de Galicia e Portugal con 'Auga Seca'. Estivemos almorzando con ela e con Deleite para regresar ao barrio onde se criou e onde empezou todo: a Agra do Orzán na Coruña, cunha sesión fotográfica, estilismo e de todo.

    VINTE almorzando con Deleite

    En colaboración con