VINTE almorzando con Deleite

Vinte almorzando no Castelo Conta

luns 24, agosto 2026

Outra volta á festa é o lema da décimo primeira edición do Castelo Conta, un festival que reivindica un modelo de celebración que pon no centro a capacidade da festa popular para crear comunidade. Máis de sesenta propostas enchen Castelo (Culleredo) na semana do 24 ao 30 de agosto entre música en directo, gastronomía e artes escénicas, sempre co humor moi presente.

Co impulso de Xosé A. Touriñán, veciño do lugar, naceu o Castelo Conta e naceu a asociación do mesmo nome, a que implica toda a veciñanza nun proxecto común que vai máis aló das celebracións do mes de agosto, que se espalla todo o ano para "dinamizar" e manter vivo o rural, convertelo en referente cultural.

Conversamos con Julio Boga, Pilar Torreiro, Iria do Castelo, Noa Ares e Xosé A. Touriñán sobre o que caracteriza a este festival.

Créditos

Imaxe e edición: Castelo Conta

Unha entrevista de Miguel Pardo

Coa colaboración de

Tamén che interesa

Vinte almorzando con Fillas de Cassandra

Neste novo Vinte almorzando con Deleite fomos de Tertúlia con María SOA e Sara Faro, as Fillas de Cassandra. Están a presentar o seu segundo disco longo, que en realidade é o seu terceiro traballo en tres anos. "Non ansiamos que as nosas letras sexan dogmas. Buscamos o debate e a conversa", subliñan.
"É un disco bastante contestatario. Saír á fresca é unha declaración de intencións do que somos", aseguran durante a conversa, ao tempo que defenden "non ser permisivas cos discursos de odio ou bulos. Tristemente cada vez máis nos estamos achegando a ese mundo hostil que daba tanto medo, de tanto retroceso. Pero todas podemos facer algo, todas xuntas”, animan.

VINTE almorzando con Deleite

Coa colaboración de
Vinte almorzando en Cans con Jaione Camborda

Almorzamos e parolamos no Festival de Cans con Jaione Camborda, guionista, directora e produtora de cinema. Camborda vive en Galicia e fai as súas producións en galego. "Paréceme o máis natural", asegura a vasca, que levou a Cuncha de Ouro no Festival de San Sebastián por O Corno. Jaione Camborda ultima o guión da súa terceira longametraxe, onde segue a buscar a "liberdade e o compromiso co espectador" e con ela mesma, segundo asegura a cineasta, que foi premiada co Pedigree de Honra pola súa traxectoria en Cans.

VINTE almorzando con Deleite

Coa colaboración de
Vinte almorzando con Rosaura Leis

Neste novo Vinte almorzando con Deleite falamos de alimentación e do papel que os lácteos teñen ou deberían ter na nosa dieta, tanto das crianzas como das persoas adultas. Almorzamos e parolamos con Rosaura Leis Trabazo con motivo do Día Mundial do Leite. Natural da Estrada, a nosa convidada é catedrática de Pediatría pola USC, investigadora principal no instituto de investigación sanitaria de Santiago (IDIS), presidenta do Comité de Nutrición e Lactancia Materna da Asociación Española de Pediatría (AEP) ou presidenta da Fundación Española da Nutrición.
A investigadora alerta da baixada no consumo de leite polos cambios nos patróns alimentarios e defende as propiedades da lactosa, que axuda á absorción de vitaminas e incluso actúa como prebiótico. “É moi importante consultar ao profesional sanitario antes de deixar de consumir un alimento”, asegura Rosaura Leis, en referencia ás persoas que substitúen o leite polas bebidas vexetais.

VINTE almorzando con Deleite

Coa colaboración de
Vinte almorzando con 9Louro

Volve o Vinte almorzando con Deleite e nesta nova xeira comezamos con 9Louro. Almorzamos e parolamos cun dos artistas do momento en Galicia. Fai música urbana en galego con letras sobre o que lle acontece ou o que pensa no seu día a día como mozo de 21 anos e o público responde enchendo salas de concertos.
O nome de 9Louro está en carteis de festivais por toda Galicia cada semana e, entre bolo e bolo, tivo tempo de atender a VINTE no bar San Francisco, ao pé do mar, en Louro (Muros). “Aquí volvo ser Martín e desconecto un pouco. Podo estar cos meus amigos e estar máis tranquilo”, explica Martín Louro.

VINTE almorzando con Deleite

Coa colaboración de
Vinte almorzando con Janet Novás

Unha mirada ampla e un discurso propio que ten o corpo como eixe fundamental. A porriñesa Janet Novás vén de encadear o Goya como actriz revelación (2024) polo seu papel en O Corno, co Premio Nacional de Danza (2025) como intérprete. Asegura Novás que a interpretación é unha sorte de extensión da danza, na que o corpo sostén a palabra e gozou da experiencia de poñerse ao servizo de Jaione Camborda.
Almorzamos e parolamos con Janet Novás: bailarina, coreógrafa, mestra, actriz … que está a crear agora “She Night” como peche dunha triloxía na que defende que “o corpo é o único que nos vai salvar”. Precisamos volver á orixe e parar. “A min o que o corpo me di é que apaguemos todo e paremos. Esa é a performance que precisamos”, defende.

VINTE almorzando con Deleite

Coa colaboración de