Queremos crear un ecosistema sustentable para a comunicación na nosa lingua, e coidar o talento con profesionalidade e garantía editorial. Ti es unha parte moi importante deste ecosistema, como consumidor/a responsable e tamén esixente. Por iso non che pedimos que nos apoies sen máis, senón que queremos darche a cambio contidos e servizos que irán crecendo co tempo.
Polo de agora, se te fas de VINTE por un mínimo de 5€ ao mes terás acceso á zona de socia/os, con contidos premium, agasallos exclusivos e a nosa newsletter mensual, unha carta chea de sorpresas que recibirás no teu correo o día 20 de cada mes ás 20:20h, e que vas querer coleccionar.
VINTE é un produto asociado á Fundación Praza Pública, que será quen xestione e cobre a túa cota de suscrición. Facéndote de VINTE pasarás a ser socia/o de Praza.gal, na modalidade de “Socia/o VINTE”. Se tamén queres ser socia/o de Praza poderás selo a maiores, pagando a cota correspondente.
A Fundación Praza Pública é a promotora de vinte.praza.gal. A Fundación ten por finalidade o fomento da información e o debate públicos como forma de contribución ao exercicio cívico da cidadanía galega, ben como a promoción da cultura e da lingua galegas. A Fundación constituíuse con este fin en xaneiro de 2012. A Fundación reúne entre os seus padroeiros un amplo abano de persoas de distintas actividades profesionais e diversos lugares de Galicia. Podes consultar aquí os seus estatutos.
A Fundación Praza Pública é, de seu, unha entidade sen ánimo de lucro. O principal destino das cotas das socias e socios de praza.gal e vinte.praza.gal é o pagamento dos salarios da redacción e mais dos e das xornalistas que colaboran eventualmente co xornal. Tamén contribúen a sufragar o mantemento técnico da web. A nosa actual estrutura custa uns 120.000 euros anuais
Si. En virtude da lexislación vixente en materia de entidades sen fins lucrativos e mecenado, as achegas das socias e socios de Vinte teñen a consideración de doazóns. A persoa que as realiza ten dereito a deducir da cota íntegra do IRPF un 80 % dos primeiros 150 euros doados -do total de doazóns que realice a estas entidades-, e do que exceda de 150 euros, o 35 %. Podes informarte polo miúdo aquí.
Non. Os nomes das persoas que apoian a vinte.praza.gal só son coñecidas pola Fundación Praza Pública e están protexidos pola normativa vixente en materia de protección de datos, que podes consultar neste espazo.
Ao seres socio ou socia de Vinte terás un espazo específico para ti. Nesa páxina poderás consultar ou modificar os teus datos persoais, manter ou variar a túa cota ou renovar a túa subscrición se, en función da modalidade elixida, xa caducou.