Festivais

  • Boicot a Eurovisión. O galego Pablo Canedo 10 kr, finalista no Falastinvision contra o xenocidio israelí

    «Sempre fun fan de Eurovisión. O primeiro que recordo foi cando gañou Dana International, que precisamente era unha artista israelí. Pero eu daquela non entendía que era Israel, como se formou, enriba de solo roubado…». Pablo Canedo é de Carballo pero leva vivindo en Copenhague nove anos xa. Foi para estudar e ficou naquelas terras frías aínda que cando pode volve a Galicia. 

    Cando en 1998 quedou fascinado co tema “Diva” non imaxinaba que 27 anos máis tarde ía participar nun festival alternativo a Eurovisión de defensa a Palestina e contra o xenocidio israelí. O artista resultou entre os 15 máis votados para participar na final do FalastiVision o sábado 17 de maio.

    Festivais

  • Dez propostas para non perder no Carballo Interplay

    Este xoves comeza a XII edición do Carballo Interplay, cunha completa programación ata o domingo 27 con grandes nomes como Andy Chichester, Facu Díaz, Miguel Maldonado ou Ana Polo e máis dunha ducia de proxecións de webseries de todo o mundo, destacando estreas como a da serie Mariliendre, do director galego Javier Ferreiro. 

    O Carballo Interplay cumpre nesta edición doce anos como un evento de referencia en Galicia, o único dedicado a tratar desde a reflexión, a diversidade e a aprendizaxe as tendencias na rede e pioneiro na comunidade en crear un espazo de encontro físico entre as persoas que crean contido no dixital, especialmente entre a comunidade galega. 

    Todas as actividades son de balde, aínda que para algúns shows foi necesario facer reserva de entrada. “Rajando con… Facu Díaz e Miguel Maldonado”, o CFA con Bob Pop ou o directo do podcast Keep it cutre atópanse, polo momento, sen prazas, pero hai oco noutras propostas. 

    Festivais

  • EmigraSon. A música galega soa en Bruxelas

    Karan Novo, Gara López, Mateo González, Cristina Amosa e María Dios son as galegas emigradas en Bruxelas que idearon o festival EmigraSon, unha aventura na que levan traballando varios meses para levar a artistas emerxentes e consolidados do país ata a capital belga, na que hai moita poboación galega emigrada por motivos laborais. O EmigraSon conta co apoio dos eurodeputados galegos Ana Miranda e Nicolás González Casares e celébrase esta fin de semana. En VINTE falamos coa equipa do festival para coñecer como naceu a que esperamos que sexa a primeira edición de moitas. 

    Festivais

  • Fanzine Fest. A música que tamén se mira

    O Fanzine Fest da Coruña está moi consolidado na escena electrónica, pero non perde oportunidades para achegar estas músicas a novos públicos. Cunha coidada programación, está a desenvolver esta semana na Coruña propostas de música electrónica na rúa, nas salas e ata no planetario. Música, si, pero acompaña de artistas visuais que despregan as súas creacións en directo.

    Festivais

  • Tándem. «Concertos únicos» nas salas da Coruña

    Dúas propostas musicais únense sobre o escenario nunha actuación única. Así dito, parece o soño de calquera amante da música en directo. Se a isto lle engadimos que os concertos son polas salas da Coruña e para despedir o verán, a cousa aínda mellora. Isto é o Tándem, un festival que programa 16 actuacións exclusivas na cidade entre o 15 e o 18 de setembro en seis locais diferentes. 

    Festivais

  • Delas Fest. Dez murais para (re)pensar o espazo público

    O Delas Fest é o primeiro festival de arte urbana e contextual que se celebra en Europa con perspectiva de xénero. Celébrase desde 2019 en diversas localizacións da bisbarra de Santiago de Compostela e vén de rematar a súa cuarta edición. Repasamos dez murais de gran formato e intervencións no espazo público que deixa este festival da cooperativa 7H que pon a muller no centro da arte urbana. 

    Festivais

  • Melona Fest 2022. Tempo para recuperar o baile perdido

    Volve o Melona Fest no seu formato pre-pandemia nesta ‘nova normalidade’ e faino cunha edición enfocada no baile. A música para bailar abrangue todas as disciplinas, polo que os 16 artistas que conforman o cartel aportan a maior diversidade para tres noites de desfrute en Compostela.

    Festivais

  • Volve o festival Revenidas, sen sardiñas mais con moitas novidades

    Vilaxoán, en Vilagarcía de Arousa, volve acoller esta semana o Revenidas, o festival que xunta a música e a cultura mariñeiras, nunha edición na que non haberá a mítica sardiñada nin posibilidade de acampar, pero que nos trae un cartel co mellor da música galega actual e ilustres visitas internacionais. E que se completa con obradoiros de cultura mariñeira, visitas a bateas, concertos a bordo, roteiros, ilustración e ata un podcast. 

    Festivais