Vinte

A tecnoloxía

Mon, 25 May 2026 15:08:01 +0200

Hoxe poñémonos a proba cun desafío tecnolóxico: preguntas trampa, mitos tecnolóxicos e a nosa cara cando non sabiamos que era o PIN. Quen será o auténtico mekemeke tecnolóxico?

Un programa presentado por Carlos Vieito, onde conversa con Lidia Veiga e o Xubi.

'El Columpio'

Mon, 25 May 2026 11:50:00 +0200

Desde unha perspectiva antropolóxica e colectiva, a curta busca pescudar nas diferentes significacións e interpretacións da nostalxia, tratando aspectos coma a migración e formulando cuestións tan primarias coma se a nostalxia, daquela, é boa ou é daniña?

El Columpio supón o debut, como directora e montadora, da pontevedresa Silvia Martín, interesada fundamentalmente na creación de pezas de carácter ensaístico.

Mención especial de Novas Camadas 2026.

Manter os pés na terra para poder tocar o ceo

Thu, 21 May 2026 11:52:08 +0200

Castro de Rei transpira puro Terrachaísmo. Os seus camiños e pistas infinitas mestúranse e desaparecen entre o verdor dos prados, o son dos tractores e a mirada despreocupada do gando vacún, motor eterno da comarca. Agora ben, reducir este concello á actividade agrogandeira sería un erro tan grande como pensar que no universo só existe baleiro.

Por Castro de Rei discorren milenios de historia e olladas vangardistas; respírase crecemento e compromiso social; florecen proxectos froito do agarimo e adicación plena, e tamén se materializan ideas que agroman do máis profundo do propio ser. Porque Castro de Rei hai un e hai moitos, todo depende de onde queira buscar cadaquén.

no debut en galego de Escuchando Elefantes

Wed, 20 May 2026 13:06:33 +0200

“Arder” é un novo sinxelo cru e honesto de Escuchando Elefantes, que chega acompañado dun videoclip no que Sílvia Rábade e Carlos Tajes contaron coa colaboración de intérpretes galegos como Xosé A. Touriñán, María Vázquez e Ledicia Sola, ademais da participación do corpo de bombeiros da Coruña.

Xunto a eles, un coro de cantareiras galegas e case un centenar de persoas anónimas uniron as súas voces ao unísono para cantar como un himno o retrouso de "Arder" coa clara mensaxe de que xuntos temos máis forza que calquera incendio e poñendo en valor o espírito da resiliencia, a música e o baile como vínculo de unión ante a catástrofe, segundo explican desde a banda, que asina o seu primeiro sinxelo orixinal en galego.

ao Festival de Cans e a VINTE

Tue, 19 May 2026 13:33:52 +0200

Este mércores, 20 de maio, ás 19.00 horas o Baixo de Carlos acollerá a proxección das once curtas de novas e novos autores seleccionadas nesta XXIII edición do Festival de Cans, as Novas Camadas. E como cada ano en VINTE ofrecemos a posibilidade de ver todos estes traballos de mozas e mozos menores de 25 anos en exclusiva. A partir do luns 25 estrearemos cada día unha obra ás 12:00 h. (de luns a venres), que estará dispoñible durante 24 horas para a súa libre visualización. As proxeccións en VINTE acabarán o luns, 8 de xuño, coa curta gañadora desta edición. Velaquí un resumo de cada traballo.

Loita de clases

Tue, 19 May 2026 11:43:51 +0200

Se eras de clase B… este episodio é terapia! Viaxa cos mekemekes ao pasado para falar dunha das rivalidades máis antergas da nosa vida: os de A contra os de B. Os favoritos do profesorado, os “aplicados”, contra os que vivían un pouco máis ao límite. Pero a cousa non queda aí. Porque cando pensabas que madurabas… chega a universidade e reaparece o pique: carreiras que se cren superiores, guerras eternas entre facultades e ese clásico de “o meu é máis difícil ca o teu” que nunca pasa de moda.

Begoña Caamaño (radio edit)

Fri, 15 May 2026 11:50:00 +0200

Antes de comezar debería facer unha advertencia. A miña visión da radio e de Begoña Caamaño é nesgada, subxectiva e todo o que non debería ser o bo xornalismo. Vaia maneira de renderlle homenaxe.

Neste ano das Letras Galegas recordamos a Begoña Caamaño (Vigo, 1964), unha xornalista e escritora. Autora de dúas obras fundamentais da nosa literatura, coas que moitas espertamos ao feminismo, como son Circe ou o pracer do azul e Morgana en Esmelle (Galaxia, 2009 e 2012). A Real Academia Galega quixo reivindicar tamén nestas Letras de Begoña o seu traballo como xornalista (nalgunha entrevista deixou claro que era máis xornalista que escritora). Os seus artigos en revistas e prensa forman parte tamén da súa obra. E se nos atrevemos a abrir as orellas, descubriremos que, en realidade, a súa obra fundamental está na radio.

A familia

Mon, 11 May 2026 11:28:47 +0200

Hai familias normais… e logo están as nosas. Eses tíos que aparecen só en vodas, as avoas que todo o saben, os curmáns que sempre teñen unha historia mellor ca túa e esas reunións familiares que comezan tranquilas… e acaban sendo material de terapia. Situacións coas que todos nos sentimos identificados, levándoas ao extremo con humor absurdo, retranca e pensamentos revirados.

Se algunha vez pensaches “isto só pasa na miña familia”… xa verás como non.

“O travestismo traslada liberdade. Ás veces esquecemos que podemos facer o que nos dea a gana”

Fri, 08 May 2026 13:28:22 +0200

Non se trata de chegar ao mainstream, porque o travestismo sempre viviu e ha de seguir, nas marxes. Mais, como disciplina artística, necesita unha escena, infraestrutura e que a industria cultural tamén conte con este colectivo á hora de programar máis alá do mes do orgullo.

Cos movementos reaccionarios en auxe, semella máis necesario que nunca apelar á liberdade e ao libre albedrío de cada quen. E disto hai moito nos espectáculos de Averío. Un misterio, unha cea de empresa, un casting ou a busca dun disco de Averío mix artellan o argumento nestas comedias de enredo, algo caóticas e sempre con contido para escoitar, pensar e rir, claro. Hai un ano naceu Averío como grupo de artistas travestis, unha plataforma de acción que busca crear unha escena drag en Vigo. Quere, en definitiva, poder actuar na súa cidade.

De Ninghures e Mondra teñen gana de verán

Wed, 06 May 2026 13:22:03 +0200

Estoupar os bilitroques/ Ir por amoras/ Deitarse na herba seca/ Xuntarse nun bar/ Sentir o salitre no corpo/ De ir nadar ao mar/ Cheirar o fume na roupa/ Na noite de San Xoán

De Ninghures e Mondra xúntanse por vez primeira para festexar e cantar ao verán galego. “Que se nos faga de día” é o título dunha canción que cheira a salitre, herba seca e fume de San Xoán, que fala de amor, de suor e, especialmente, de deixarse levar. Juan de Dios Martín produce esta rumba que se converte nunha auténtica oda ao estío galego, segundo subliñan desde a produtora. É un canto vigoroso á época das verbenas, dos días luminosos e das noites que nunca se queren deixar marchar; a celebración dunha terra que, tanto no mar coma na montaña, non deixa de cantar.

Imos ao Centro de Saúde

Mon, 04 May 2026 12:53:42 +0200

Neste episodio os mekemekes falan dun tema que nos toca a todos e todas: a salú. Desde arrefriados eternos, ata esas visitas ao centro de saúde que parecen unha aventura de obstáculos. Compartimos problemas de saúde reais, anécdotas vividas nas salas de espera e algunhas situacións tan absurdas que só che poden pasar cando máis o necesitas.

Advertencia: contén humor, algo de frustración sanitaria e moita, moita identificación con quen xa tivo que pedir hora con “non hai horas” ou escoitar o famoso “volve en 15 días se segues igual”.

Á procura de remedios para revivir os zombis do scroll infinito

Wed, 29 Apr 2026 16:15:21 +0200

O móbil sempre á man: desbloquea, mira, revisa, pérdese dous, tres, catro minutos e volve conectar co mundo. Alza a vista. O bus aínda non chega, hai que agardar algo máis na quenda na chacinaría ou do centro de saúde e volve baixar a mirada, outra vez, ao móbil. Hai tempo que o teléfono móbil paraliza as nosas vidas, por momentos, entras buscando algo concreto e acabas media hora despois metida no pozo do scroll infinito e os vídeos tan entretidos e breves das redes sociais que poden consumir horas e horas. Naturalizamos ter o móbil na man, mirar a pantalla cando nos falan (non é algo tremendamente groseiro?) e mesmo cando estamos a ver unha película, nunha nova versión da malentendida multitarefa.

Pedro Sánchez anunciou hai unhas semanas a intención do Goberno de prohibir as redes sociais ata os 16 anos e un dos primeiros en alzar a voz na contra da medida foi Elon Musk, que vía en perigo un segmento importante de público no seu pastel publicitario.

Facer a mili

Mon, 27 Apr 2026 13:56:13 +0200

Os mekemekes debaten acaloradamente os pros e contras do servizo militar obrigatorio mentres intentan sobrevivir a manobras caóticas. A mili realmente ensina disciplina, compañeirismo e a facer a cama en dez segundos, ou só serve para perder o móbil, comer fabes con grumos e aprender a durmir de pé.

Entre roubos de chourizos da cantina, instrucións absurdas e un sarxento que acaba bailando bachata, descubren que o verdadeiro pro é ter historias que contar… e o contra, telas que vivir.

pop-rock honesto no primeiro disco de Portosanto

Fri, 24 Apr 2026 12:49:19 +0200

Portosanto presentou esta semana o seu primeiro disco, Ten que haber un sitio para nós, editado por Ernie Records. O LP -formado por dez cancións- supón o punto de partida dunha nova etapa para unha banda integrada por Anaís, Andrés,Nuno, Simón e Xoel, os mesmos membros que anos atrás deron vida a Oh! Ayatollah.

Desde a banda explican que, musicalmente, ‘Ten que haber un sitio para nós’ móvese nun pop rock de guitarras luminosas e afiadas, con nervio melódico e unha intensidade que medra desde a contención”.

A felicidade

Mon, 20 Apr 2026 11:54:30 +0200

Neste episodio falamos da felicidade… ou polo menos do intento constante de atopala. Entre risos, contradicións e algunha verdade incómoda, preguntámonos se iso de ser feliz é real ou simplemente postureo ben editado. Pequenas cousas, grandes expectativas e ese caos que chamamos vida.

no Carballo Interplay

Wed, 15 Apr 2026 15:41:44 +0200

Entre este xoves e o domingo, 19 de abril, o Mercado de Carballo volverá converterse no centro da cultura dixital actual cunha nova edición do Carballo Interplay. Series en pequeno formato, podcasts e shows en directo, creación dixital en galego, obradoiros, conversas e propostas pensadas para mirar internet con entusiasmo, pero tamén con espírito crítico, conforman un programa diverso e cheo de nomes destacados. Se estás pensando en achegarte ao festival, aquí van dez citas e contidos que non deberías perder de vista.

As crenzas

Mon, 13 Apr 2026 13:56:55 +0200

Neste episodio os mekemekes admiten crenzas que non confesarían nin borrachos nunha primeira cita: desde xurar que as chaves se perden porque “todo está conectado… pero o universo ten malicia”, ata confesar que un de nós segue saudando aos picaportes “por se acaso” despois de que unha porta se pechase soa.

Debaten tamén a norma máis absurda para unha relixión propia (obrigatorio: comer queixo) e analízase a teoría máis ridícula sobre o universo: que a morte é como apagar o WiFi… e que ás veces, se te moves moi amodo, reconectas.

Finalmente, repasamos rituais vergoñentos feitos “por se acaso funcionaba”, como dar cabezazos aos compas de curro.

con retranca e merengue

Fri, 10 Apr 2026 16:22:58 +0200

A peza máis “dicharacheira e graciosa” do seu último traballo, Je tiens bon, pero tamén unha das máis fondas. MJ Pérez define así a canción “Bingo!”, que vén de estrear un videoclip para non perder.

Cunha sonoridade inesperada —un merengue luminoso e bailable—, a canción funciona como contrapunto a un fondo marcado pola incerteza, a precariedade e a frustración vital. A través do humor e da retranca, MJ Pére aborda cuestións como a inestabilidade económica, a dificultade para vivir da creación (e non só) ou a sensación constante de estar facendo números para saír adiante. Unha contradición consciente entre forma e fondo: música alegre para falar de todo o contrario.

"Vendemos produtos dos que podemos contar unha historia"

Thu, 09 Apr 2026 10:09:53 +0200

Nesta entrevista faltou Ana Álvarez, a terceira das artesás que dan vida ao proxecto. Amodo comezou como unha tenda efémera e quedou porque o público pediulles que quedaran. En Ourense cumpría un recuncho coma este, e deron o paso. "A xente estaba vindo aquí coa emoción de poder sentir unha pertenza".

Pelis para adultos (+18)

Wed, 08 Apr 2026 11:37:09 +0200

Acceder ás míticas pelis para adultos nos anos 90 e 2000 para matar a curiosidade. Intentar pillar os "programas especiais" do Canal+ a escondidas ou buscar na rede usando módems lentos, onde era máis fácil baixar un virus que unha película.

Os mekemekes comentan como hoxe todo é moito máis accesible grazas a Internet, perdendo ese aire de prohibido e misterioso.

Arte, astronomía e cocido, que non falte, no corazón de Galicia

Tue, 07 Apr 2026 10:20:00 +0200

Lalín é moito. Nesta vila estratexicamente situada naceu a investigación astronómica de Galicia con Ramón María Aller; é unha terra de artistas internacionais, como Laxeiro ou Colmeiro, que nunca deixaron de mirar cara á súa casa e un lugar onde a máis recoñecida festa gastronómica galega, a do Cocido, dura un mes enteiro. Cruzamento de camiños e lendas, Lalín é unha vila con vida propia, poboación estable, a cabeceira da comarca do Deza, onde sempre hai unha escusa para nos achegar… e volver.

Festas populares

Mon, 30 Mar 2026 12:36:32 +0200

A loita por atopar mesa na carpa, o ritual do licorcafé ás tantas, a orquestra que toca o mesmo pasodobre tres veces na mesma noite, o momento da "putivolta" que acaba en despedida ata de madrugada, e a inevitable resaca ao día seguinte.

Todo isto sazonado con diálogos onde se debaten cuestións esenciais como "é mellor a orquestra Olympus ou a París de Noia?" e cunha reflexión final sobre por que, malia todo, nunca fallamos a unha destas festas.

“As Mouras” do Courel danzan e claman pola natureza

Fri, 27 Mar 2026 11:58:00 +0100

VINTE adianta en exclusiva o videoclip da canción "As Mouras," o novo traballo da banda Zeltia Irevire. O videoclip foi filmado nas paraxes naturais do Courel e conta coas bailarinas Ari Vázquez e Skío Carral como protagonistas, xunto a Zeltia Acuña. Nesta canción o trío formado por Acuña, Miguel Carballido e Cibrán Seixo mestura folk acústico con texturas electrónicas suaves, creando unha atmosfera íntima con moita forza e sensibilidade.

O tema naceu tras os incendios forestais do 2022 que afectaron e puxeron en perigo a moitas aldeas do Courel e a un dos bosques autóctonos máis antigos de Galicia, a Devesa de Rogueira. A letra, segundo explican desde a banda, é unha reflexión introspectiva sobre como o noso xeito de vida fainos non escoitar e pasar por alto a fraxilidade da paisaxe e a necesidade de protexela. Reivindica a figura das “Mouras” como as gardiáns dos bosques e como guías espirituais daquelas persoas que defenden a terra. Foi rodada na contorna da aldea de Vilamor, a Cova da Moura, a fervenza do Rexio e o Val das Mouras, entre outras localizacións.

Xubiprofeno

Mon, 23 Mar 2026 12:07:04 +0100

Colles gripe e, de súpeto parece que estás nunha película dramática. Desde o primeiro esbirro ata a peregrinaxe ao centro de saúde, coa sala de espera chea de vellos e xente que parece estar peor ca ti. Ese momento no que decides preguntar a unha IA que tes… e en cinco minutos pasas de “un pouco de febre” a pensar que che quedan dúas semanas de vida.

con CERØ

Tue, 17 Mar 2026 13:22:17 +0100

Arrhythmia vén de lanzar o seu novo EP, CERØ (Galunk Producións, 2026). Tras un ano de traballo intenso e meticuloso, o grupo abre, con este novo lanzamento, “unha nova etapa con maior claridade de ideas, mantendo a enerxía e o discurso que definiron a súa traxectoria”, segundo explican desde a banda de Lugo.

Este novo traballo de Arrhythmia vén acompañado pola saída do ‘focus track’ e do videoclip Agonía ft. Nuno Pico de Grande Amore. “É un tema que fusiona metal e synthwave para crear unha atmosfera intensa e melancólica arredor do paso do tempo e da angustia dunha conta atrás constante”, salienta Alberto Busto, vocalista de Arrhythmia

“Encantaríame seguir sempre no tradi, pero a vida dá moitas voltas e sei que non vai ser fácil”

Tue, 17 Mar 2026 10:44:17 +0100

Román Rojo comezou co tambor e logo chegou a gaita. Con 12 anos saíu de Camariñas e foi á Coruña para estudar a ESO, onde entrou na asociación cultural Xacarandaina. Alí descubriu tamén o mundo das cantigas populares, lanzouse a escribir e mantivo a súa lingua en contextos non sempre doados. “Cando eu cheguei aquí, con 12 anos, no meu instituto era o único galegofalante monolingüe. O único. Foi un cambio enorme. Na Costa da Morte, onde eu me criei, ninguén fala castelán”, explica Rojo. O mozo, de 17 anos, defende que o tradi tamén “pode ter un papel positivo na percepción que temos da nosa lingua. Ao final é unha maneira de revitalizar a nosa cultura. E o primeiro piar desa cultura é o idioma”, di.

Bichería doméstica

Mon, 16 Mar 2026 11:00:49 +0100

Neste episodio falamos da vida da bichería doméstica: cans que montan un escándalo cada vez que soa o timbre, gatos que actúan como auténticos donos da casa e peixes que parecen que poden vivir fóra da auga.

Os mekemekes comparten anécdotas divertidas e situacións nas que queda claro que, aínda que pensamos que somos os donos… en realidade as mascotas son as que mandan.

A potencia da música ao servizo das historias do rural galego

Wed, 11 Mar 2026 11:15:44 +0100

As letras son as protagonistas e a música, unha descarga eléctrica no momento exacto. No primeiro disco de Pastor Eléctrico atopamos historias inspiradas por persoas, lugares, cheiros ou sons reais do rural galego que Diego Guerrero foi atopando no seu percorrido por Galicia co programa Cos pés na terra, da TVG. “Eu non tiven aldea de pequeno como tal e entón atopei agora de maior a miña aldea percorrendo moitos lugares de Galicia e gravando moitas persoas”. Diego Guerrero é o director desta serie documental finalista como Mellor Programa e Mellor Realización nesta edición dos Premios Mestre Mateo. E desa experiencia agroman as dez cancións do primeiro traballo de Pastor Eléctrico.

Cousas do paranormal

Mon, 09 Mar 2026 11:38:56 +0100

No episodio de hoxe metémonos de cheo no misterioso mundo do paranormal… Falamos de pantasmas que aparecen xusto cando hai pouca luz, da Santa Compaña facendo máis quilómetros de noite ca moitos runners, de posibles aliens que, curiosamente, sempre escollen aparecer en aldeas tranquilas e nunca no medio dun Carrefour, e das míticas cacofonías nas que sempre hai alguén que escoita unha mensaxe clarísima do máis alá… mentres o resto só oímos “pssssshhhhh”.

As Tanxus, Bad Bunny e o ‘valor’ da identidade

Thu, 05 Mar 2026 12:31:20 +0100

Di a música e antropóloga galega María Xosé Silvar, SÉS, con todo o sentido do mundo, que “mainstream disidente” é un sintagma paradoxal en si mesmo. Na música poucas cousas hai na actualidade máis mainstream que o reguetón e precisamente por iso resultou tan rechamante a mensaxe deixada por Benito Antonio Ocasio Martínez, Bad Bunny, no seu show do intermedio da última Super Bowl. A cultura, como a lingua, é unha arma, unha ferramenta de batalla das ideas que tamén utilizan as forzas políticas para “facer comunidade” e as artistas hai tempo que non poden esquivar posicionamentos ideolóxicos.