VINTE na rúa

  • Paula Pintos, artista sonora e psicóloga "Precisamos abrir espazos onde poidamos parar, respirar, sentirnos e acompañarnos”

    "Non teño conciencia de existir sen ter melodías na cabeza, sen usar a miña voz, sen xogar con ela". A artista sonora e psicóloga coruñesa Paula Pintos protagoniza unha nova entrega do espazo Vinte na rúa. Pintos canta, experimenta coa voz, estúdaa e desenvolve a súa proposta artística ao tempo que tamén defende o seu uso na práctica terapéutica. VINTE estivo no festival Entre Covas, en Seadur (Larouco), para presenciar a estrea da súa nova proposta, Ícaro, e parolar con Paula Pintos.

    VINTE na rúa

    Coa colaboración de

  • Lula Goce: “Os artistas poden achegar moitísimo ao benestar social, a pensar os espazos dunha maneira máis humana”

    “Sempre me gustou pintar, realmente sempre se me deu ben”. Din que ninguén é profeta na súa terra, mais a artista urbana Lula Goce vén de rematar en Baiona A Doca, o mural máis grande de España, con case 350 metros de longo e uns 1.400 metros cadrados de arte e traballo duro para cambiarlle a face ao espigón da súa vila natal. Asegura que foi unha gran responsabilidade polo propio significado do lugar para a o pobo baionés e para ela mesma, mais fica orgullosa co resultado, que brinda unha homenaxe á xente do mar.

    Goce leva feitos máis dun cento de murais por todo o mundo e está agora “moi focalizada” en proxectos de intervención urbana, onde poida traballar en colaboración con outras disciplinas para mellorar os espazos que habitan as persoas.

    VINTE na rúa

    Coa colaboración de

  • "Non somos tan diferentes" O restaurante Ceibe e o bar Pepinillo intercambian cociñas por un día en Ourense

    Un restaurante Estrela Michelin e un establecemento mítico da cidade das Burgas aceptan o reto de abandonar a súa zona de confort e elaborar unha receita na casa do outro. Literalmente pasan "ata a cociña" mentras nos contan a súa historia e afirman: "Non somos tan diferentes"

    Sepáranos pouco máis de 200 metros. Dende a Rúa San Miguel que baixa da Praza do Ferro ata o Paseo e posteriormente atravesando Progreso para chegar á Rúa de Reza. Trazar esa liña no mapa de Ourense é debuxar tamén unha ruta gastronómica que non só implica aos restaurantes cos que falamos desta vez. Para non abrir (demasiado) o apetito imos quedar con estes dous: o Ceibe e o Pepinillo.

    VINTE na rúa

    Coa colaboración de

  • Vinte celebrando o ascenso do Dépor

    O Deportivo, dende hai máis dun século, é moito máis ca un equipo de fútbol. É, entre outras moitas cousas, unha porta de entrada á cidade, unha linguaxe compartida e unha forma de pertenza. Para moitos coruñeses (e coruñeses de adopción), seguir ao Dépor significa atopar unha comunidade, establecer amizades e comprender mellor o lugar no que decidiron construír a súa vida. 
    Nunha cidade onde o fútbol forma parte da conversa cotiá, vestir a camiseta branquiazul ou compartir a bancada de Riazor converteuse, para moitos, nun xeito de sentirse na casa.

    Pero o deportivismo tamén é unha historia de vínculos familiares. De pais que levaron os seus fillos por primeira vez ao estadio no que agora desfrutan cos seus netos. De netos que herdaron unha paixón que nunca lles foi imposta, senón transmitida a través dos recordos, dos desprazamentos, das vitorias e das derrotas compartidas. 

    Agora, o Dépor, despois de cinco anos, volve á categoría máxima do fútbol español, e en VINTE facémoslle esta pequena homenaxe, con cinco historias de cinco coruñeses, de aquí e de aló, que nos falan de fútbol, si, pero sobre todo de afectos, de identidade e de pertenza.  

    VINTE na rúa

    Coa colaboración de

  • Paula Domínguez, 'Pauleta', futbolista "Xogo con Portugal porque foi quen me deu a oportunidade, pero sendo galega, a conexión é máis forte"

    Sendo unha nena, posaba cunha camisola de Portugal que seus pais lle mercaran en Valença do Minho co número do futbolista de quen collera prestado o alcume: Pauleta. Máis de vinte anos despois, aquela pequena de Redondela, Paula Domínguez, debutaba coa selecção lusa camiño dun Mundial. Pauleta leva oito anos no Benfica, onde é capitá e estrela dun dos equipos máis grandes do mundo. Rematou a licenciatura de Químicas en Lisboa, fixo un posgrao en programación científica en Python e ten un máster en intelixencia artificial aplicada á saúde. "Sempre me gustou aprender, estudar e ter un plan B máis aló do fútbol", asegura, quen xunto á súa parella tamén montou un restaurante de comida saudable. 

    VINTE na rúa

    Coa colaboración de

  • Pío, pío, Averío “O travestismo traslada liberdade. Ás veces esquecemos que podemos facer o que nos dea a gana”

    Non se trata de chegar ao mainstream, porque o travestismo sempre viviu e ha de seguir, nas marxes. Mais, como disciplina artística, necesita unha escena, infraestrutura e que a industria cultural tamén conte con este colectivo á hora de programar máis alá do mes do orgullo.

    Cos movementos reaccionarios en auxe, semella máis necesario que nunca apelar á liberdade e ao libre albedrío de cada quen. E disto hai moito nos espectáculos de Averío. Un misterio, unha cea de empresa, un casting ou a busca dun disco de Averío mix artellan o argumento nestas comedias de enredo, algo caóticas e sempre con contido para escoitar, pensar e rir, claro. Hai un ano naceu Averío como grupo de artistas travestis, unha plataforma de acción que busca crear unha escena drag en Vigo. Quere, en definitiva, poder actuar na súa cidade.

    VINTE na rúa

    Coa colaboración de

  • Román Rojo, gaiteiro e percusionista “Encantaríame seguir sempre no tradi, pero a vida dá moitas voltas e sei que non vai ser fácil”

    Román Rojo comezou co tambor e logo chegou a gaita. Con 12 anos saíu de Camariñas e foi á Coruña para estudar a ESO, onde entrou na asociación cultural Xacarandaina. Alí descubriu tamén o mundo das cantigas populares, lanzouse a escribir e mantivo a súa lingua en contextos non sempre doados. “Cando eu cheguei aquí, con 12 anos, no meu instituto era o único galegofalante monolingüe. O único. Foi un cambio enorme. Na Costa da Morte, onde eu me criei, ninguén fala castelán”, explica Rojo. O mozo, de 17 anos, defende que o tradi tamén “pode ter un papel positivo na percepción que temos da nosa lingua. Ao final é unha maneira de revitalizar a nosa cultura. E o primeiro piar desa cultura é o idioma”, di.

    VINTE na rúa

    Coa colaboración de

  • Libraría Cartabón: “Nós sempre recomendamos libros en galego”

    Independencia e liberdade. A libraría Cartabón vén de facer 40 anos ás portas do Calvario en Vigo, centrada na venda do libro en galego. Gonzalo e Maribel, Maribel e Gonzalo, son toda unha institución no seu e non agochan a súa satisfacción polo camiño percorrido, que os sitúa a día de hoxe como unha libraría de barrio totalmente independente. “Non lle debemos nada a ninguén; vivimos sen subvencións e facemos o que cremos que está ben”, defenden. 

    VINTE na rúa

    Coa colaboración de

  • Noelia Mato, bailarina: “Falar galego é algo político hoxe en día. Escoitar música en galego, tamén”

    Noelia Mato (Ponteceso, 2000) é bailarina e creadora na compañía D'elas, mestra de danza e neofalante. No seu traballo fin de grao en Socioloxía analiza a relación entre a lingua, a identidade e a música en galego, algo que para ela non está a ser valorado como merece. “É algo importantísimo, sobre todo tendo en conta todo o que vén arrastrando a lingua historicamente dende a ditadura”, asegura. Para ela o cambio ao galego chegou na universidade e resultou máis natural do que pensaba. “Para min foi das mellores decisións que tomei na vida. Ata penso que me mudou a personalidade e todo. É como que sinto que esta si son eu de verdade”, subliña.

    VINTE na rúa

    Coa colaboración de