Vinte na vila

Nestas reportaxes multimedia e podcast poñemos o foco na vida cotiá das vilas medias e cabeceiras de comarca que medran e fan medrar as súas contornas. Lonxe dos lugares comúns, Vinte na vila conta os lugares a través das historias da xente que vive neles: proxectos de emprendemento, tecido produtivo, asociativos, sociais, innovadores... Futuro. Nestas coordenadas naceu o proxecto de Vinte na vila, que botou a andar coa colaboración da Caixa Rural Galega.

Coa colaboración de

Vinte na vila

Meira, nai do pai da nosa terra

Meira semella un punto de partida perfecto. Perfecto para empezar o día, unha ruta de sendeirismo, un negocio ou toda unha vida. Mirade se Meira é o punto de partida ideal que ata o mesmísimo río Miño decidiu comezar alí, no corazón da serra, o seu traxecto de 315 quilómetros polas sagradas terras de Galicia.

A nai do pai da nosa terra, reza o lema escrito no parque que acompaña as primeiras augas do Miño na súa chegada á vila meirega. A orixe desas augas está un pouco máis arriba, no Pedregal de Irimia, en plena Serra de Meira. Un lugar polo que pasaremos máis adiante, porque se comezamos a nosa viaxe falando de puntos de partida e introducimos a metáfora clásica do río como nacemento-inicio, traxecto-nó e desembocadura-desenlace, o lóxico sería empezar por acudir ao mosteiro de Santa María de Meira, onde se puxeron as primeiras pedras do que acabaría sendo a vila actual.
Pero non. Porque isto é Meira.

Lugares

Coa colaboración de
Vinte na vila

Castro de Rei Manter os pés na terra para poder tocar o ceo

Castro de Rei transpira puro Terrachaísmo. Os seus camiños e pistas infinitas mestúranse e desaparecen entre o verdor dos prados, o son dos tractores e a mirada despreocupada do gando vacún, motor eterno da comarca. Agora ben, reducir este concello á actividade agrogandeira sería un erro tan grande como pensar que no universo só existe baleiro.
Por Castro de Rei discorren milenios de historia e olladas vangardistas; respírase crecemento e compromiso social; florecen proxectos froito do agarimo e adicación plena, e tamén se materializan ideas que agroman do máis profundo do propio ser. Porque Castro de Rei hai un e hai moitos, todo depende de onde queira buscar cadaquén.

Coa colaboración de
Vinte na vila

Vinte en Lalín Arte, astronomía e cocido, que non falte, no corazón de Galicia

Lalín é moito. Nesta vila estratexicamente situada naceu a investigación astronómica de Galicia con Ramón María Aller; é unha terra de artistas internacionais, como Laxeiro ou Colmeiro, que nunca deixaron de mirar cara á súa casa e un lugar onde a máis recoñecida festa gastronómica galega, a do Cocido, dura un mes enteiro. Cruzamento de camiños e lendas, Lalín é unha vila con vida propia, poboación estable, a cabeceira da comarca do Deza, onde sempre hai unha escusa para nos achegar… e volver.

Lugares

Coa colaboración de
Vinte na vila

Barreiros: acougo e calma onde o mar namora

No corazón da Mariña, co Atlántico batendo nun areal virxe e infinito, Barreiros ofrece acougo, natureza e vida. A que atrae os milleiros que chegan no verán e da que gozan os que alí viven todo o ano. Nun concello que mantén o inevitable impacto dunha burbulla inmobiliaria que se pasou moito de rosca, pero que reivindica un presente atraínte e un futuro prometedor nunha contorna única.

Lugares

Coa colaboración de
Vinte na vila

O primeiro Ouvinte na vila defende o “xornalismo de corredoiras” e que non veñan os de fóra falar por nós

O xornalismo de corredoiras, a necesidade de ir ao lugar e contar o que alí sucede por nós mesmas e mesmos. Esta foi unha das ideas que puxeron en valor as participantes no primeiro episodio do podcast Ouvinte na vila, a edición sonora da serie de reportaxes que a revista VINTE desenvolve coa colaboración da Caixa Rural Galega para coñecermos mellor as vilas e cabeceiras de comarca galega a través das voces das persoas e o achegamento ao territorio.

Podcast

Coa colaboración de
Vinte na vila

Vinte no Carballiño. As augas, o polbo e ‘mil’ bares para quedar

Vinte na vila estivo no Carballiño o 19 de decembro. Polas rúas soaban as panxoliñas e a veciñanza apuraba as compras do Nadal. No noso percorrido puidemos gozar dun paseo a pé polas rúas do centro ou pola beira do Arenteiro, admirar a paisaxe da contorna, a Ínsua do Poetas; e degustar O Carballiño, desde as deliciosas cañas fritas ata o histórico polbo, á feira, claro. Estamos nunha vila marcada pola emigración e as divisas que chegan para converterse en impoñentes chalés; as augas termais sanadoras, a súa situación xeográfica estratéxica e a omnipresenza de bares e restaurantes, algo que aplauden tanto locais como visitantes.

Lugares

Coa colaboración de
Vinte na vila

Celanova, a tranquilidade dunha vila onde a xente vive máis de cen anos

Celanova ou "Cella nova", segundo recollen algúns estudos, é unha parada obrigada á hora de entender a historia e a literatura galegas, nunha vila que ademais de ser berce dos poetas galegos, tamén presume, e moito, de lonxevidade. Percorremos Celanova xunto a persoas emprendedoras do comercio, o sector lácteo ou a restauración, que coiciden no carácter acolledor dunha vila onde todos se coñecen.

VINTE na vila

Coa colaboración de
Vinte na vila

Vinte en Folgoso do Courel: “Se se esgota un plan de vida, tes que inventar outro”

Había moitas pingadas na estrada, sinal de que chegaramos ao Courel e de que estamos no tempo grande da castaña. Case non parou de chover en todo o día, pero todo o mundo nos dixo que estabamos alí na mellor época. Pódese ir ao Courel en calquera momento do ano, pero hai que volver no outono.
Nesta nova entrega do Vinte na vila percorremos Folgoso do Courel un 31 de outubro. Mel, castañas, doces, turismo rural, a gandeiría e mesmo o blues e o jazz mestúranse nesta reportaxe audiovisual co son da chuvia, e as voces dos protagonistas que nos falan desde o seu lugar: "Decateime de que vivimos no ceo aquí".

VINTE na vila

Coa colaboración de
Vinte na vila

Antas de Ulla: pan, queixo e un tesouro agochado no quilómetro cero

Os debates sobre ese punto equidistante de todos os recunchos do país que tanta literatura produciron hai trinta anos enmudeceron cando o Instituto Xeográfico Nacional determinou que o quilómetro cero está no municipio de Antas, o menos poboado da comarca da Ulloa. Propoñemos unha viaxe ao descoñecido corazón de Galicia por un territorio onde nace o río Ulla, asombrado polo monte Farelo. Farémolo acompañadas por un feixe de persoas que desafían a profecía autocumprida de que nos sitios pequenos non hai nada que facer.

VINTE na vila

Coa colaboración de
Vinte na vila

Vinte en Vilagarcía Onde a xente se coñece e (aínda) saúda pola rúa

‘Vinte na vila’ regresa por todo o alto con Vilagarcía. Unha cidade onde a xente chega para quedar a vivir e a veciñanza dá a benvida. Grazas ao apoio de Caixa Rural Galega, percorremos Vilagarcía e descubrimos o fervedoiro que é o mercado aos martes e sábados, a historia moi presente da súa fundación, coa unión de Carril, Vilaxoán e Vilagarcía; coñecemos tamén a Ángel, o do Carrito, co seu histórico quiosco no centro e admiramos Cortegada, a illa recuperada polo pobo de Vilagarcía, que hoxe pertence ao parque nacional Illas Atlánticas. Nesta singradura manexan o temón a escritora Montse Fajardo e o actor Carlos Blanco, expertos cicerones para amosar a vila de García.

VINTE na vila

Coa colaboración de