VINTE almorzando con Deleite

Vinte almorzando con Familia Caamagno

venres 30, outubro 2026

Con Pepe, na Casa do Taberneiro, en Santiago, como anfitrión de luxo, conversamos e almorzamos con Familia Caamagno. Os de Sigüeiro están a xirar co seu novo álbum, 'Disco Comarcal', e de paso celebran que seguen a facer música tras quince anos sobre os escenarios. Falamos con Manuele, Fran, Jess e Lano o 9 outubro, cando a actualidade informativa semellaba intensa... pero só era o comezo. "Nós xogamos mellor en campos de terra e canto peor se poña o ambiente sociopolítico, mellor para a creación das cancións", chancean, pero realmente prefiren que as enquisas para as vindeiras eleccións xerais non acerten. "Non nos rende: non o fagades por nós. Mellor un disco menos de Familia Caamagno e votade como é debido", reclaman.

Créditos

Unha entrevista de Vanesa Vázquez.

Imaxe: Xarda, cooperativa galega de comunicación

Agradecementos: para a Casa do Taberneiro polos cafés e todo o demais.

Coa colaboración de

Tamén che interesa

Vinte almorzando con Esther Estévez

Almorzamos e parolamos coa xornalista e presentadora Esther Estévez, unha faciana ben coñecida para o público galego como presentadora da TVG en programas como o Dígocho eu ou o Luar entre outras. A piques de facer os 29 anos, atesoura dous premios Mestre Mateo como mellor comunicadora e unha popularidade que ás veces esquece. "Na carreira non era capaz de mirar á cámara e dicir un parágrafo", lembra.

VINTE almorzando con Deleite

Coa colaboración de
Vinte almorzando no Castelo Conta

Outra volta á festa é o lema da décimo primeira edición do Castelo Conta, un festival que reivindica un modelo de celebración que pon no centro a capacidade da festa popular para crear comunidade. Máis de sesenta propostas enchen Castelo (Culleredo) na semana do 24 ao 30 de agosto entre música en directo, gastronomía e artes escénicas, sempre co humor moi presente.

VINTE almorzando con Deleite

Coa colaboración de
Vinte almorzando con Fillas de Cassandra

Neste novo Vinte almorzando con Deleite fomos de Tertúlia con María SOA e Sara Faro, as Fillas de Cassandra. Están a presentar o seu segundo disco longo, que en realidade é o seu terceiro traballo en tres anos. "Non ansiamos que as nosas letras sexan dogmas. Buscamos o debate e a conversa", subliñan.
"É un disco bastante contestatario. Saír á fresca é unha declaración de intencións do que somos", aseguran durante a conversa, ao tempo que defenden "non ser permisivas cos discursos de odio ou bulos. Tristemente cada vez máis nos estamos achegando a ese mundo hostil que daba tanto medo, de tanto retroceso. Pero todas podemos facer algo, todas xuntas”, animan.

VINTE almorzando con Deleite

Coa colaboración de
Vinte almorzando en Cans con Jaione Camborda

Almorzamos e parolamos no Festival de Cans con Jaione Camborda, guionista, directora e produtora de cinema. Camborda vive en Galicia e fai as súas producións en galego. "Paréceme o máis natural", asegura a vasca, que levou a Cuncha de Ouro no Festival de San Sebastián por O Corno. Jaione Camborda ultima o guión da súa terceira longametraxe, onde segue a buscar a "liberdade e o compromiso co espectador" e con ela mesma, segundo asegura a cineasta, que foi premiada co Pedigree de Honra pola súa traxectoria en Cans.

VINTE almorzando con Deleite

Coa colaboración de