Vinte no patio. Os mellores contidos de VINTE para consumires de camiño á escola, no patio e tamén na clase.
Aquí atoparás vídeos, podcasts, xogos e outros formatos cos que aprender e gozar dos contidos dixitais en galego.
Vinte no patio
Co apoio da Secretaría Xeral de Política Lingüística
O outro lado da pantalla. Unha historia underground da internet galega
Neste videoensaio María Yáñez proponnos, a través da súa experiencia persoal, unha viaxe desde os inicios da internet galega ata as portas da chegada das redes sociais. Un repaso a como chegaron as primeiras conexións nos anos 90, as primeiras webs en galego, os primeiros medios dixitais, as primeiras plataformas sociais de contido, que naceron desde abaixo, colectivamente e con dúas motivacións principais: a lúdica e a activista.
Vinte falando
En que fala a xente nova na Galicia dos anos vinte? Nesta minipeza documental preguntámoslles a distintas persoas do universo VINTE pola súa relación coa lingua e pola súa perspectiva en canto á situación do galego.
Vinte preguntas. Presentamos o gran trivial da cultura pop-ular galega
Que fobia lle dá nome a un grupo de rock de Boiro? Cal é a discoteca máis antiga de Galicia aínda en funcionamento? En que rede social se deu a coñecer Páramo Pictures? Quen deseñou o logo do Xacobeo 2021-2022? Estas son algunhas das vinte preguntas que podes atopar en cada partida que botes do xogo que presentamos hoxe.
Co apoio da
NALINGUA
NALINGUA, Lecturas dun neofalante, é un paseo sonoro por grandes obras da literatura galega desde a ollada dun de Valladolid. Unha análise sen academicismos nin pretensións, só o xeito dun neofalante de amosar o seu agarimo polo galego e pola súa literatura.
Un podcast producido por Laboratorio de Radio e Vinteco apoio da Secretaría Xeral de Política Lingüística da Xunta de Galicia.
Os 20 do XX
Como era a Galicia dos anos 20 do século XX? Nesta serie de vídeos explicativos animados botámoslle unha ollada á sociedade galega de hai 100 anos.
Unha serie escrita e dirixida por Antón Varela. Voz en off: Lucía Aldao.
Café Derby 21. Temporada 3
O Café Derby 21 é unha sobremesa cultural e virtual. Con Nicolás Carreira, Carme Domínguez, Adrián Lede e un convidado ou convidada cada quince días. Atópanos en redes como @cafederby21 para informarte sobre futuros directos. Estrea cada dous mércores en VINTE e nas plataformas de audio habituais.
Fan Fan
FAN FAN é un podcast conducido por Cibrán Tenreiro arredor do fenómeno fan na música e as cousas que fai aparecer: novas obras, comunidades organizadas e emocións intensas.
Máis Vinte no patio
-
Café Derby 21. O fútbol, con Vero Boquete
PodcastO episodio número 100 do Café Derby 21 está dedicado ao fútbol e conta cunha convidada de luxo: Vero Boquete. Repasamos a traxectoria dunha das mestras do deporte rei, desde os seus comezos nas categorías infantís ata o seu presente en Italia ou o paso por Estados Unidos, ademais de achegarnos á realidade actual do fútbol feminino, o seu estado de gloria, os referentes ou os múltiples casos de discriminación e polémicas vividas nos últimos tempos.
Co patrocinio de
-
Café Derby 21. O fogar, con Brais Lamela
PodcastNo primeiro episodio de 2024 queremos recoller as emocións e vivencias das últimas semanas de tolemia festiva. Achegámonos ata un dos nosos lugares de calma, o Café Universal, na Coruña, para parolar sobre algo esencial e moi presente nestes días: O FOGAR.
Para abordar este tema, contamos cun dos escritores galegos máis celebrados en 2023 e de futuro prometedor: Brais Lamela, autor de Ninguén queda e gañador do Premio Nacional da Crítica.
Co patrocinio de
-
Café Derby 21. Pioneiros, con Dios Ke Te Crew
PodcastO Café Derby 21 pecha este ano 2023 cun episodio moi especial para porque é a celebración dun aniversario único na cultura galega. Para iso, achegáronse a Compostela para parolar con Dios Ke Te Crew, en concreto con Sokram , banda fundamental na escena do rap en Galicia e en galego.
Logo dunha carreira de 20 anos celebrada nun doble concerto-homenaxe-evento nas salas Capitol e Malatesta, no Café Derby puxeron calma para afondar no tema do programa: Pioneiros. E repasaron os comezos de Dios Ke Te Crew, como foi rachar prexuízos, ser referente para novas xeracións ou todo o que leva mudado en dúas décadas.
Co patrocinio de
-
Café Derby 21. O prohibido, con Jaione Camborda
PodcastNeste 2023 non podía faltar un Café Derby 21 cunha das revelacións da temporada e un talento único, froito do encontro entre Galicia e Euskal Herria. Atopámonos coa cineasta Jaione Camborda en Santiago de Compostela, no clásico Pub Momo da capital galega, e brindamos pola súa Cuncha de Ouro no Festival de San Sebastián grazas a O Corno.
Xunto a Jaione Camborda nesta sobremesa cultural faise repaso ao prohibido, a raíz do que acontece no filme O Corno, pero tamén sobre as liberdades, pensar que os anos 80 eran máis libres, a prohibición social sobre a sexualidade ou autocensurar o propio desexo.
Co patrocinio de
-
Café Derby 21. A TRISTEZA, con David Fidalgo
PodcastPara esta entrega o Café Derby 21 foi ao Intersección, o festival de cine internacional da Coruña, para falar co cineasta, animador e artista visual David Fidalgo, que está tendo unha feliz temporada de festivais e premios con 'Sandwich Cat'.
Fidalgo é unha das iconas actuais en Galicia sobre o humor absurdo e existencial que toca nos límites coas bágoas, por iso foi o momento perfecto para falar sobre a tristeza. Pero ao contrario do que pode parecer, nada ou case nada neste programa é motivo de choros.
Pero antes de falar con el, contamos cunha sección Intersección, unha conversa curta con dous dos talentos galegos que formaron parte do festival: Breogán Xague e Sabela Eiriz.
Co patrocinio de
-
Café Derby 21. O RITMO, con Mondra
PodcastChega ao Café Derby 21 desta semana Mondra, un dos fenómenos musicais deste ano.
A conversa xira arredor do ritmo, non só no seu disco debut ARDĒN, mais tamén sobre os ritmos de vida, baixarlle unha marcha ao ritmo actual, como é pasar do ritmo de anonimato a ter un perfil público más amplo, o ritmo da creación. E unha morea de cousas máis.
Co patrocinio de
-
Café Derby 21. PASAR O TEMPO, con Berta Dávila
PodcastCafé Derby 21 volve para unha 4ª temporada. Logo dunhas vacacións, Café Derby regresa e faino falando de PASAR O TEMPO coa escritora e editora Berta Dávila, quen tamén é madriña do programa.
Ademais de falar sobre literatura, tamén contan as anécdotas detrás dos dos comezos, sobre vivir no presente, ollar ao pasado, arriscar o futuro, máquinas do tempo, ex- parellas ou segundas oportunidades.
Co patrocinio de
-
VINTE con Xeración Sónica: a banda REK
MúsicaREK é unha das bandas novas que temos este ano en Xeración Sónica, e tamén a máis numerosa: media ducia de adolescentes facendo cancións en galego sobre as cousas que lles preocupan e os seus estados de ánimo. Julia, Noa, Unai, Ana, Bea, e Río teñen entre 14 e 17 anos e gozan tocando xuntas, ensaiando e tamén nos seus primeiros concertos, como o do Galegote Rock deste ano. Fano grazas a Xeración Sónica, a canteira da música galega que pon en marcha a Concellaría de Xuventude de Pontevedra con Estudo Bonobo e Artecalavera.
Coa colaboración do
-
VINTE con Xeración Sónica: Vermes
MúsicaXa coñecemos a Vermes o ano pasado, pero cunha nova formación e novos roles na banda volvemos falar con eles para que nos conten sobre o rock alternativo que tocan ao seu estilo. Javier, Emma, Anxo e Pablo teñen entre 14 e 15 anos e están a traballar na súa cuarta canción xuntos no seu segundo ano participando en Xeración Sónica, a canteira da música galega que pon en marcha a Concellaría de Xuventude de Pontevedra con Estudo Bonobo e Artecalavera.
Coa colaboración do
-
Café Derby 21. OS FINAIS, con Ana Pontón
PodcastA terceira temporada do Café Derby 21 chega ao seu fin. Como non podía ser doutro xeito, e para estar á altura dun ano tan tolo como 2023, deixamos un programa histórico para a memoria e como peche perfecto a tantas semanas mantendo o nivel. Por iso, desprazámonos ata o Parlamento de Galicia para falar dos finais con… Ana Pontón!
Co patrocinio de