Café Derby 21. Temporada 4

O Café Derby é unha sobremesa cultural e virtual. Con Nicolás Carreira, Carme Domínguez, Adrián Lede e un convidado ou convidada cada quince días. Atópanos en redes como @cafederby21 para informarte sobre futuros directos. Estrea cada dous mércores en VINTE e nas plataformas de audio habituais.

Vinte no patio Café Derby 21. Temporada 4

Café Derby 21. A TRISTEZA, con David Fidalgo

Para esta entrega o Café Derby 21 foi ao Intersección, o festival de cine internacional da Coruña, para falar co cineasta, animador e artista visual David Fidalgo, que está tendo unha feliz temporada de festivais e premios con 'Sandwich Cat'.
Fidalgo é unha das iconas actuais en Galicia sobre o humor absurdo e existencial que toca nos límites coas bágoas, por iso foi o momento perfecto para falar sobre a tristeza. Pero ao contrario do que pode parecer, nada ou case nada neste programa é motivo de choros.
Pero antes de falar con el, contamos cunha sección Intersección, unha conversa curta con dous dos talentos galegos que formaron parte do festival: Breogán Xague e Sabela Eiriz.

Podcast

Co patrocinio de
Vinte no patio Café Derby 21. Temporada 4

Café Derby 21. O RITMO, con Mondra

Chega ao Café Derby 21 desta semana Mondra, un dos fenómenos musicais deste ano.
A conversa xira arredor do ritmo, non só no seu disco debut ARDĒN, mais tamén sobre os ritmos de vida, baixarlle unha marcha ao ritmo actual, como é pasar do ritmo de anonimato a ter un perfil público más amplo, o ritmo da creación. E unha morea de cousas máis.

Podcast

Co patrocinio de
Vinte no patio Café Derby 21. Temporada 4

Café Derby 21. PASAR O TEMPO, con Berta Dávila

Café Derby 21 volve para unha 4ª temporada. Logo dunhas vacacións, Café Derby regresa e faino falando de PASAR O TEMPO coa escritora e editora Berta Dávila, quen tamén é madriña do programa.
Ademais de falar sobre literatura, tamén contan as anécdotas detrás dos dos comezos, sobre vivir no presente, ollar ao pasado, arriscar o futuro, máquinas do tempo, ex- parellas ou segundas oportunidades.

Podcast

Co patrocinio de
Vinte no patio Café Derby 21. Temporada 4

Café Derby 21. OS FINAIS, con Ana Pontón

A terceira temporada do Café Derby 21 chega ao seu fin. Como non podía ser doutro xeito, e para estar á altura dun ano tan tolo como 2023, deixamos un programa histórico para a memoria e como peche perfecto a tantas semanas mantendo o nivel. Por iso, desprazámonos ata o Parlamento de Galicia para falar dos finais con… Ana Pontón!

Podcast

Co patrocinio de
Vinte no patio Café Derby 21. Temporada 4

Café Derby 21. A RUTINA, con Sara Seco

Estreamos o penúltimo programa da tempada e achegámonos ata Santiago de Compostela, con vistas á Cidade da Cultura desde a terraza do Balcón das Brañas. Rompemos o noso día a día para falar, precisamente, sobre A RUTINA coa amiga do programa e creadora de contido: Sara Seco.

Podcast

Co patrocinio de
Vinte no patio Café Derby 21. Temporada 4

Café Derby 21. A DISTANCIA, con Yolanda Castaño

Neste programa celebramos o Día das Letras Galegas dun xeito especial. Con Yolanda Castaño parolamos sobre o concepto ALSA por amor, as relacións a distancia, as amizades diseminadas polo globo terráqueo, a comunicación dos sentimentos na distancia (física ou figurada) ou as residencias literarias, o proxecto vital da nosa convidada e outra forma de afastamento.

Podcast

Co patrocinio de
Vinte no patio Café Derby 21. Temporada 4

Café Derby 21. PRIMEIRAS VECES, con Carlangas

Esta semana achegámonos ata Vilalba, capital chairega por excelencia, para gravar o Café Derby 21 como parte da programación do Festival Independente de Vilalba, o FIV. Conversamos con Carlangas (alias Carlos Pereiro, ou viceversa), que vén de facer o seu debut musical tras a separación de Novedades Carminha. Este programa é difícil de resumir, o mellor xeito de achegarse a el é escoitalo como se fose, de feito, a primeira vez.

Podcast

Co patrocinio de
Vinte no patio Café Derby 21. Temporada 4

Café Derby 21. OS SENTIMENTOS, con Ismael Ramos

Esta semana sentamos arredor dunha mesa no Café Universal, na Coruña, co laureado poeta e amigo do programa, Ismael Ramos, e parolamos sobre a alegría, a cultura da felicidade constante, a tristeza, a confusión da depresión, a situación actual da saúde mental, a problemática da terapia publicitaria, a ira ou as cartas de amor.

Podcast

Co patrocinio de
Vinte no patio Café Derby 21. Temporada 4

Café Derby 21. A MATRIA, con Álvaro Gago, María Vázquez e Susana Sampedro

Para o programa desta semana fixemos unha viaxe dobre: ata a costa, pola zona de Arousa, e ao noso interior, preto do corazón e a alma. Así é como nos sentimos logo de ver o filme Matria, que está arrasando en cinemas e non podía faltar nesta temporada do Café Derby 21. Un dos fitos culturais deste 2023. Para achegarnos ao que significa 💪A MATRIA💪 consultamos e parolamos cos artistas detrás do fenómeno: o cineasta Álvaro Gago e as actrices María Vázquez e Susana Sampedro. Apoiándonos en momentos do filme chegamos ata as nosas propias conclusións.

Podcast