Café Derby 21. Temporada 4 Podcast

Café Derby 21. O pasado, con Fillas de Cassandra

Son moitas as persoas que pedían este momento e por fin podemos confirmar que se fixo real: Fillas de Cassandra no Café Derby 21! Atopámonos co dúo galego logo do seu masivo concerto en Santiago de Compostela ante miles de persoas. Aínda con folgos, tiveron todo o ánimo para falar sobre o pasado.

Con Fillas de Cassandra parolamos das herdanzas e o que queremos legar, de tataravoas, de vivir no presente e non deixarse levar por recordos sesgados ou das músicas de onte e máis atrás, entre outros moitos temas.

Créditos

O Café Derby é unha sobremesa cultural e virtual. Con Nicolás Carreira, Carme Domínguez, Adrián Lede e un convidado ou convidada cada semana. 

Co patrocinio de Deleite.

Co patrocinio de

Tamén che interesa

  • Fillas de Cassandra: «Queremos permitirnos errar»

    As Fillas de Cassandra publican o seu primeiro disco, Acrópole, que presentan o 4 de marzo na sala Capitol de Santiago. Din que «as fillas adoitan contar historias das súas nais e devanceiras», por iso recuperan a Cassandra, Antígona, Lisístrata, Pandora, Eco, As Moiras, Dafne e Syrinx e a través delas fálanlle ás mulleres de hoxe.

    Música

  • Rebeliom do Inframundo e Fillas de Cassandra locen talento en “Contra vento e marea”

    Sensibilidade e forza agroman a partes iguais do tema “Contra vento e marea”, resultado musical da colaboración entre Rebeliom do Inframundo e Fillas de Cassandra, que vén acompañado dun potente videoclip gravado na ría de Vigo.

    Contra vento e marea, explica Nervo, é «unha oda á superación, a remar contracorrente, a manterse a flote, a sobrevivir no medio desta puta loucura». É un  canto a non deixarse levar pola ira, mesmo sendo conscientes que hai razóns  dabondo para que a ira aflore. Ao  fío, María Soa e Sara Faro salientan «a forza e a colectividade» que se desprende da  peza. «Como di o tema, somos rochas contra as que bate o mar. Contra todos os  contratempos que poidan vir, ímonos manter firmes e mirar cara adiante», apuntan.  

    Música
  • Café Derby 21. Temporada 4

    Café Derby 21. O amor, con Grande Amore

    Chegou o momento de falar dun dos temas máis agardados: ️o amor. Grazas á publicación de certa carta de certo mandatario na que recoñecía estar fondamente namorado da súa muller, decidimos actuar e montar un comité de urxencia para abordar o tema de namorarse e demais. Por iso quixemos conversar con Grande Amore, amigo histórico do Café Derby 21, nun programa gravado en directo no Parador de Vilalba como parte da programación do FIV.

    Podcast

    Co patrocinio de

  • Café Derby 21. Temporada 4

    Café Derby 21. Improvisar, con Lucía Veiga

    Pode parecer que traballamos sen escaleta e sen texto preparado, pero iso non é de todo certo. Levamos anos deixando oco ao incerto e a que todo aconteza, polo que desenvolvemos unhas certas habilidades. Por iso, neste programa xuntámonos coa actriz, presentadora e cómica Lucía Veiga para improvisar e falar de humor, da vida e de ligar. 

    Logo de gañar dous Mestre Mateo, Lucía Veiga chega ao noso podcast para afondar nos misterios da risa, poñer en valor a importancia da improvisación para saír adiante e deixar consellos sobre como improvisar en entrevistas de traballo ou infidelidades.

    Podcast

    Co patrocinio de

Faite de vinte

A partir de 5€ mensuais podes suscribirte a VINTE e colaborar para que sigamos a producir contidos de calidade pagando dignamente as colaboracións de vídeo, fotografía, ilustración, xornalismo e creación de todo tipo.
Quero ser de Vinte