Café Derby 21. Temporada 3

Esta semana recuperamos a presencialidade e aproveitamos para falar dese tema que nos une a todxs e que foi semente deste podcast: A AMIZADE. Con Aldaolado parolamos sobre as amizades e as artes, sobre as xeracións de narradores latinos como Silvina Ocampo ou a súa relación con Alejandra Pizarnik. Realizamos a Lucía Aldao e María Lado o test definitivo sobre a súa relación e deixamos fluir a lingua para que as anécdotas non deixen de saír.

A resaca dun Entroido moi necesario para todos inspirounos fondamente para este programa. Porque o Entroido ten os mesmos elementos que unha boa diva: espectáculo, estética e música de calidade. Para falar, precisamente, das DIVAS falamos con Hydn, un dos talentos máis interesantes da actualidade e obviamente made in Galicia.

Neste episodio contamos cunha persoa que rachou a cuarta parede experto niso de comunicar en redes sociais, o xornalista musical e tiktoker Rodri Míguez. Xunto a él parolamos como poucas veces de actualidade e da MÚSICA, pasando pola última edición do Benidorm Fest e as apostas galegas e eurovisivas e, por suposto, As fillas de Cassandra.

Esta semana achegámonos ata Santiago de Compostela para falar co actor Diego Anido, candidato ao premio Goya por As Bestas e rostro fundamental da interpretación en Galicia, no Coffee Mori. O tema da conversa xira arredor, precisamente, das BESTAS, da “bestalidade“, da brutalidade, da ira e o enfado, de todo aquilo que nos converte en bestas.

Xa que cada persoa ten a capacidade de imaxinar e crear novos espazos, criaturas e relatos, podemos dicir que a Fantasía é un elemento común do ser humano. Quixemos falar cun experto na materia: Alberto Vázquez, cineasta, artista gráfico, guionista e un longo etcétera, que vén de presentar o seu novo filme Unicorn Wars, antes de resolver se gaña o premio Goya ao que aspira.

Esta semana puxémonos en modo fogar e non marchamos a ningún directo, senón que recibimos na casa a dúas convidadas coas que tiñamos moitas ganas de parolar. Con Lúa Mosquetera, artista 360º e amiga do programa, e Anxela Baltar, metade do grupo BALA, falamos do rompedor, iso que racha co establecido e aporta un novo vento e, entre outros temas, achegámonos á poesía Beat e o trato que se deu ás mulleres do movemento co paso do tempo, lembrando as súas historias e como foi aquel tempo convulso e excitante.  

Hai poucas cousas que todas as persoas teñan en común, pero as ganas de pasalo ben e gozar dunha boa troula é unha delas. Unha troula hipotética, diferente a cada gusto, pero que signifique divertirse e liberarse a un mesmo tempo. Neste programa parolamos co xornalista e escritor Fran P. Lorenzo, que presenta o seu novo libro A Festa Equivocada, unha compilación dos seus artigos nos primeiros anos do novo milenio e editado por Rodolfo e Priscila. E para falar con el achegámonos ata o Café Universal, onde se celebrou o 4º aniversario de VINTE. Unha festa na que falar de festa presentando unha suposta festa equivocada.

Achegámonos ata o Culturgal e falamos co actor Tamar Novas, gañador do premio Goya e candidato en varias ocasións aos Mestre Mateo, que presenta o filme O corpo aberto, unha historia de lendas e superstición nun mundo ao límite baseado nun texto de Méndez Ferrín.

Os tempos son chegados e, como eles, nós tamén chegamos ata Lugo, finalmente! Viaxamos ata a cidade amurallada para conversar na Libraría Trama coa artista e autora gráfica Alicia Pena, lucense afincada en Suecia que vén de publicar o seu debut editorial,  'Gallina Clueca'.