Café Derby 21. A FAMILIA, con Alicia Pena
Os tempos son chegados e, como eles, nós tamén chegamos ata Lugo, finalmente! Viaxamos ata a cidade amurallada para conversar na Libraría Trama coa artista e autora gráfica Alicia Pena, lucense afincada en Suecia que vén de publicar o seu debut editorial, 'Gallina Clueca'.
Con motivo da estrea literaria desta historia sobre a maternidade, os procesos reproductivos asistidos e as frustracións e sentimentos para facer medrar a familia, escollimos precisamente como tema 🪺A FAMILIA🪺.
Falamos e parolamos sobre Muriel Spark, a liberdade ser e non ser nai, Levi Strauss, tribos e modelos familiares disidentes de todo tipo, Friends, as amizades como familia e máis cuestións!
Créditos
O Café Derby é unha sobremesa cultural e virtual. Con Nicolás Carreira, Carme Domínguez, Adrián Lede e un convidado ou convidada cada semana.
Co patrocinio de Deleite.