Xeración Sónica é un proxecto da Concellaría de Xuventude de Pontevedra no que rapazas e rapaces de entre 13 e 16 anos poñen a andar os seus primeiros grupos de música, titorizados por Violeta Mosquera de Bala (batería e composición), Alejandro Alonso - Bonobo (composición e produción musical) e Gonzalo Maceira (produción musical). O resultado é un total de 6 novas bandas con ganas de aprender, experimentar e pasalo ben xuntas. Nesta serie coñecemos as bandas que participan na edición 2021-2022.
Coa colaboración do
Noelia, Irene, Andy e Sandra son Les Poubelles. Escolleron chamarse lixo en francés e fan unha combinación de punk e rock que cambia en función do seu estado de ánimo. A banda formouse no proxecto Xeración Sónica, do Local de Música de Pontevedra, e xa ten actuado no Galegote Rock deste 2023 na Sala Karma.
Coa colaboración do
Sara, Lucas, Antonio, Óliver e Mariño son Ornitorrincos, unha das bandas que saen este ano do proxecto Xeración Sónica, do Local de Música de Pontevedra. Admiradores de Nirvana e outros grupos de rock dos 90, as súas letras tenden a ser escuras e falar de dor e sufrimento. Xa deron algúns concertos, o último deles no Galegote Rock o pasado 6 de maio.
Coa colaboración do
Noa, Nee, César e Andrés forman desde 2018 Froalla, un dos grupos máis veteranos de Xeración Sónica. Aquí fálannos da súa experiencia formando unha banda por primeira vez e aprendendo a compoñer cancións e a actuar diante do público.Xeración Sónica é a canteira da música galega que pon en marcha a Concellaría de Xuventude de Pontevedra.
Sabela, Alfredo, Eila e Hugo forman Karonte, unha das bandas que este ano fan parte de Xeración Sónica. As súas influencias son diversas pero acaban por fundirse nun pop divertido e tamén ás veces intenso, en cancións como Aliexpress ou "Lamento", que puidemos escoitar en concertos como o que deron no festival Surfing The Lérez.
Martín, Sara, João e Arturo forman Haku, unha das novísimas bandas que compoñen Xeración Sónica e neste vídeo fálannos da súas cancións entre o rock, o pop e o hiphop, do seu proceso de traballo, de todo o o futuro que teñen por diante. Xeración Sónica é a canteira da música galega que pon en marcha a Concellaría de Xuventude de Pontevedra.
Vermes é unha novísima banda formanda por Emma, Anxo, Pablo e Paula, que están aprendendo a tocar como grupo e a compoñer cancións no Local de Música de Pontevedra, e xa fixeron unha das súas primeiras actuacións no Galegote Rock. Pertencen á Xeración Sónica, un proxecto da Concellaría de Xuventude de Pontevedra no que rapazas e rapaces de entre 13 e 16 anos poñen a andar os seus primeiros grupos de música. Nesta serie de vídeos estámolos coñecendo.
Hoxe coñecemos a Simpsonhead, unha novísima banda de Pontevedra formada por Miguel, Dani, Pablo e Eneko. Os catro xuntáronse para experimentar coa electrónica dentro de Xeración Sónica, un proxecto da Concellaría de Xuventude de Pontevedra no que rapazas e rapaces de entre 13 e 16 anos poñen a andar os seus primeiros grupos de música.
Xeración Sónica é un proxecto da Concellaría de Xuventude de Pontevedra no que rapazas e rapaces de entre 13 e 16 anos poñen a andar os seus primeiros grupos de música, titorizados por Violeta Mosquera de Bala (batería e composición), Alejandro Alonso - Bonobo (composición e produción musical) e Gonzalo Maceira (produción musical). O resultado é un total de 6 novas bandas con ganas de aprender, experimentar e pasalo ben xuntas. Hoxe coñecemos a Maloserá, formada por Celia, Jorge, Carmen e Cecilia.