Deporte

  • A outra vitoria do Celta: “O uso do galego reforza o noso crecemento”

    Máis visualizacións, máis interaccións en redes, máis aboados, máis vendas de camisetas e o equipo vai xogar en Europa a vindeira temporada. En Balaídos soa a épica co Karnyx de Abraham Cupeiro, cantan as Fillas de Cassandra, tocan as Pandeireteiras de Toutón e os xogadores mesmo recitan Rosalía no 23 de febreiro. Algo está a pasar co Celta. Algo que comezou co inesperado himno do centenario, creado con tanto xeito por C. Tangana, un fito que espertou o celtismo latente e inspirou un cambio de estratexia a nivel comunicativo co protagonismo da lingua galega. Sen dúbida, outra vitoria, e ben importante, do Celta de Vigo.

    Deporte

  • Galería de fotos: Vinte no Gatañal

    «A mellor afección de España», «un apego de xeración en xeración», «comuñón total entre o club e o pobo», «sentimento de orgullo» da veciñanza de Cangas por ter un equipo na máxima categoría do balonmán español. Estas frases poden resumir e mesmo explicar a loucura polo balonmán que se vive en Cangas e que relatamos nesta reportaxe. 

    Nos últimos días o equipo loita por manterse, un ano máis, na Liga Asobal, e este sábado O Gatañal vivirá unha nova final para garantir a súa temporada número 12 na competición profesional. 

    Seleccionamos nesta galería 20 imaxes da fotógrafa Rosa González que amosan unha afección e un equipo acostumado a sufrir e que nunca se rende.

    Deporte

  • Loucura polo balonmán en Cangas. O orgullo dunha vila que nunca se rende

    «Se nos falta isto, fáltanos todo». Marita ten 82 anos e sabe moito de balonmán. Lembra perfectamente cando veu xogar a Cangas «o Urdangarín» mais tamén cando miraba os partidos no antigo pavillón do Romarigo, ou no Aterrado, nos anos 70. Marita sabe moito de balonmán, como sabe Fina Entenza, Xosefa, ou Celia. Elas, coñecidas como as cheerleaders do Cangas, levan décadas vendo partidos fieis á súa cita quincenal co equipo da casa. 

    En realidade, na capital do Morrazo é algo raro atopar xente que non teña relación co balonmán, o deporte rei da comarca –xunto co piragüismo da gran Teresa Portela- e orgullo para unha vila de case 27.000 habitantes que o viu nacer na rúa nos anos 60.

    Deporte

  • Vivimos nunha «tiranía deportiva»?

    Unha conta de aforro premia agora que camiñes e fagas exercicio; en definitiva, que leves unha vida máis saudable. É unha idea distópica ou unha moi conectada cos problemas do século XXI? Mesmo se as redes sociais —e as culturas de dieta das últimas décadas— insisten en que hai que facer exercicio —e que se non o logras che falta disciplina—, a sociedade é cada vez máis sedentaria. Seis de cada 10 persoas en Galicia pasan, de feito, de facer exercicio. 

    Deporte

  • Convivir Deportivo. O programa de radio que fai país a través do deporte

    Cada semana un home pegado a un micrófono percorre Galicia para coñecer, concello a concello, os distintos deportes que se practican neste país, desde a base ata a elite, desde alevíns ata veteráns, desde as emerxentes ata campións lexendarios, ás veces esquecidos. Faino coa ilusión dun cativo aínda que leva máis de 35 anos traballando na Radio Galega. É Alfonso Pardo, á fronte do Convivir Deportivo. 

    Deporte

  • Adrián Ben: “O deporte é un entretemento, o importante agora é curar a pandemia para que axiña poidamos gozar del”

    Unha lesión mantén o atleta Adrián Ben (Viveiro, 1998) na súa vila natal da Mariña, onde se recupera na casa de seus pais para volver a Madrid nas próximas semanas. Alí vive e adestra cunha bolsa no Centro de Alto Rendemento, mentres estuda Fisioterapia. A súa carreira deu un chimpo o pasado mes de outubro cando quedou sexto na final de 800 mestros do mundial de atletismo. Os deste ano podían ter sido os seus primeiros Xogos olímpicos pero a covid trastocou estes plans. 

    Deporte

  • Dépor ABANCA. A cara B das Nosas

    Diversidade, igualdade, dereitos profesionais… O Dépor ABANCA está amosando moito máis valores, se cabe, dos que desprega no terreo de xogo, onde afianza en cada partido as posicións altas da táboa da Primera Iberdrola. Achegámonos á cidade deportiva de Abegondo para coñecer a cara B d’#AsNosas. E falamos con cinco expoñentes desta realidade dentro do Dépor ABANCA: Míriam, Tere Abelleira, Alba Merino, Maya e Gaby.  

    Deporte

  • Baloncesto. Vinte no vestiario do Durán Maquinaria Ensino Lugo

    As xogadas non son o único que protagoniza un vestiario. Oposicións, cultura senegalesa, historias de conciliación, stories de Instagram, vinte anos de aprendizaxe de valores e moito ensino… Por se aínda estás na bancada, e sen ánimos de saír á cancha, mostrámosche o que hai detrás da canastra a través do perfil de cinco xogadoras do Durán Maquinaria Ensino Lugo, equipo de baloncesto lucense na máxima categoría do baloncesto español. 

    Deporte