Deporte

Galería de fotos: Vinte no Gatañal

venres 7, xuño 2024 Vanesa Vázquez @vanevazi

Fina, Marita e Celia, as 'cheerleaders' do Cangas xunto coa mocidade que xoga na canteira e anima o primeiro equipo. CC-BY-SA Rosa González

«A mellor afección de España», «un apego de xeración en xeración», «comuñón total entre o club e o pobo», «sentimento de orgullo» da veciñanza de Cangas por ter un equipo na máxima categoría do balonmán español. Estas frases poden resumir e mesmo explicar a loucura polo balonmán que se vive en Cangas e que relatamos nesta reportaxe.

Nos últimos días o equipo loita por manterse, un ano máis, na Liga Asobal, e este sábado O Gatañal vivirá unha nova final para garantir a súa temporada número 12 na competición profesional.

Seleccionamos nesta galería 20 imaxes da fotógrafa Rosa González que amosan unha afección e un equipo acostumado a sufrir e que nunca se rende.

VINTE no Gatañal

Nos últimos anos consolidouse a 'previa' aos partidos.
A peña da Marea Azul anima a afección e o equipo.
Fina, Marita e Celia, as 'cheerleaders' do Cangas,
Fina, Marita e Celia, as 'cheerleaders' do Cangas, xunto coa mocidade que xoga na canteira e anima o primeiro equipo
A día de hoxe o Balonmán Cangas leva 11 temporadas en Asobal de maneira ininterrompida.
Iago Aspas e Juan Quintas, capitán do equipo.
Fernando Eijoo coas súas fillas.
Manuel Camiña, presidente histórico do Cangas.
Toda axuda é benvida para apoiar o equipo. Na imaxe, dúas seareiras co seu particular remedio contra o meigallo
Fina, Marita e Celia, as 'cheerleaders' do Cangas, animan o equipo durante un partido no Gatañal.
A peña de animación do Balonmán Cangas, a Marea Azul, naceu en 2003.
A peña de animación do Balonmán Cangas, a Marea Azul durante un partido de liga.
No Gatañal hai quen opta por ver sempre o partido de pé.
As gradas no Gatañal adoitan estár ateigadas. Na imaxe, o balón voa nun partido fronte ao Fertiberia Puerto Sagunto.
O balonmán e un deporte «vibrante e intenso», segundo subliña Alberto González, actual presidente do club,.
Imaxe xeral do pavillón do Gatañal, en Cangas, durante un partido de liga.
Fernando Eijo, a pé de pista, xunto á súa imaxe e outras fotos históricas do club.
Ambiente previo a un partido de liga do Balonmán Cangas no Gatañal.
Momentos de tensión da grada durante un partido de liga no Gatañal.
Os seareiros e seareiras do Cangas do deixan de animar no Gatañal.

Vanesa Vázquez

Viguesa do Calvario. Comecei e aprendín en Atlántico Diario, Radio Vigo e Expansión. Cada día conta e agora contámolo en VINTE e Praza.gal.

Tamén che interesa

Loucura polo balonmán en Cangas. O orgullo dunha vila que nunca se rende

«Se nos falta isto, fáltanos todo». Marita ten 82 anos e sabe moito de balonmán. Lembra perfectamente cando veu xogar a Cangas «o Urdangarín» mais tamén cando miraba os partidos no antigo pavillón do Romarigo, ou no Aterrado, nos anos 70. Marita sabe moito de balonmán, como sabe Fina Entenza, Xosefa, ou Celia. Elas, coñecidas como as cheerleaders do Cangas, levan décadas vendo partidos fieis á súa cita quincenal co equipo da casa.
En realidade, na capital do Morrazo é algo raro atopar xente que non teña relación co balonmán, o deporte rei da comarca –xunto co piragüismo da gran Teresa Portela- e orgullo para unha vila de case 27.000 habitantes que o viu nacer na rúa nos anos 60.

Deporte