Rede

  • Sen redes sociais ata os 16? Á procura de remedios para revivir os zombis do scroll infinito

    O móbil sempre á man: desbloquea, mira, revisa, pérdese dous, tres, catro minutos e volve conectar co mundo. Alza a vista. O bus aínda non chega, hai que agardar algo máis na quenda na chacinaría ou do centro de saúde e volve baixar a mirada, outra vez, ao móbil. Hai tempo que o teléfono móbil paraliza as nosas vidas, por momentos, entras buscando algo concreto e acabas media hora despois metida no pozo do scroll infinito e os vídeos tan entretidos e breves das redes sociais que poden consumir horas e horas. Naturalizamos ter o móbil na man, mirar a pantalla cando nos falan (non é algo tremendamente groseiro?) e mesmo cando estamos a ver unha película, nunha nova versión da malentendida multitarefa. 

    Pedro Sánchez anunciou hai unhas semanas a intención do Goberno de prohibir as redes sociais ata os 16 anos e un dos primeiros en alzar a voz na contra da medida foi Elon Musk, que vía en perigo un segmento importante de público no seu pastel publicitario.

    Rede

  • Esteban Yáñez. O tipo máis querido e brillante da internet galega

    Faleceu Esteban Yáñez (@Snob) con só 35 anos e deixou centos de amizades e seguidores nas redes lamentando a súa marcha. A súa pegada dixital é intensa, e no seu caso ademais é un enorme legado cultural de talento, creatividade, activismo, erudición, comunidade e diversión. Intentar repasar a súa traxectoria é tamén facer historia da internet galega dos últimos 15 anos, en etapas sucesivas e mesturadas. A ver se somos quen. 

    Rede

  • Os mellores soños que a xente compartiu en Twitter en 2019

    Rematamos o ano volvendo recompilar os soños máis tolos ou curiosos que as usuarias e usuarios de Twitter en galego compartiron durante este ano. Non foi nada fácil: a busca “soñei que” nesta rede devólvenos centos de soños, a cal máis revirado. Desde clásicos como a caída de dentes , soñar co ‘crush’ ou recibir avisos de USC Notas, ata visitas de persoeiros como Bad Gyal, Billie Eilish, James Rodhes ou Albert Rivera. Aquí vai unha selección. Seguide soñando en 2020.

    Rede

  • Así se fala na túa comarca e así cho explican en Twitter

    O Twitter galego leva tempo sendo un faladoiro que ten na lingua un dos seus temas favoritos. Especialmente cando se trata de compartir ou comentar expresións, palabras patrimoniais e xiros dialectais que descoñeciamos ou que pensabamos que se dicían só na nosa casa. Agora varias contas nesta rede social están especializadas en divulgar a maneira de falar do Morrazo, da Mariña ou do Bierzo. 

    Rede

  • Algúns momentos que non esqueceremos deste verán que remata

    Remata un verán algo estraño no climatolóxico e máis aínda no político, e para despedilo queremos lembrar algúns dos momentos que máis celebramos nas redes. Como a memoria en internet é curta cómpre que ergamos acta dos pequenos hypes que conquistaron os nosos corazóns, ou a máis banal viralidade.  

    Rede

  • Xaime Beiro: "Os tiburóns son boa xente"

    É de Louro, é submarinista audiovisual e fai fotografías e vídeos incribles da flora e da fauna que habita as nosas costas. E ademais é un experto en motion graphics. Falamos con Xaime Beiro de nécoras, de Instagram e de tiburóns, cos que ten unha relación especial.

    Rede