Van xa dous anos dende que Ramón D. Veiga e Iván R. nos regalaran aquel #EuQuedoNaCasa, onde contaban como era a vida dos fogares con nenos e nenas durante o confinamento provocado pola COVID-19. Hoxe volven con este Bombas de chocolate, o seu particular NON Á GUERRA feito conto.
Vagalumes, benvidas, retrousos, rezos e paisaxes. Da escoita de 'Unha fogueira intacta', o novo e quinto álbum de Chicharrón, sae este texto con imaxes de Jesús Castro Yáñez. Unha peza que non pretende falar das cancións, senón máis ben conversar con elas.
Ariadna Silva, Antía Carreira, Olaia Tubío, Xía Arias e Elia Lago son as gañadoras deste certame, convocado por VINTE xunto co dominio Punto Gal.
Co patrocinio de
O dominio PuntoGal e VINTE convocan un concurso de creación audiovisual en Instagram. Co título “#VinteConOutrosOllos", consiste na creación dunha peza de vídeo inferior a 1 minuto na que cada participante nos mostre a realidade exterior cunha ollada distinta a como a vía antes. Haberá cinco premios: un agasallo tecnolóxico e 4 bonos de compra en librarías independentes. 5 creadores novos compoñen o xurado. O prazo para participar remata o 31 de maio.
Co patrocinio de
Extraemos unha escolma do proxecto fotográfico “Galegas de Bos Aires”, da artista galego-arxentina Aymará Ghiglione Darriba. Unha serie de retratos de mulleres que emigraron a Arxentina na segunda metade do século vinte, premiada recentemente no Concurso Internacional de Fotografía Miradas de Iberoamérica 2018.
A falta de sono constitúe unha parte fundamental da identidade de Nova York. Brais Lamela e Aimé Cichero viven alá. El escribe e ela fai fotos. Xuntos quixeron retratar para VINTE estas estampas da cidade adurmiñada, que publicamos no Día Mundial do Sono. Son para ler e contemplar de vagar, nun deses momentos de descanso cada día máis escasos.
No outono de 2018 Adrián Estévez Iglesias tivo que facer todos os días o traxecto Pontevedra - Ourense. Decidiu facelo pola vella estrada nacional, parando cada día nun bar distinto. E escribiu esta especie de guía de establecementos da N-541 que ofrecemos en formato interactivo, detallando a calidade do petisco que poñen co café, a dispoñibilidade da prensa e a conversa que ofrecen seareiros e taberneiros. Boa viaxe.
Os millennials, as súas dúbidas existencias e as cidades galegas. Todas as xeracións teñen a súa síndrome de Peter Pan, e nalgúns sitios lévase mellor que noutros. O guionista Óscar Cruz, PTV do 91, cóntanos como foi crecer e facerse adulto na súa cidade de Nunca Xamais.
