O Novo Normal: A Coruña
-
Historias da mocidade en Lugo. Profesionais e emprendemento
LugaresHai unha nova xeración que está a atopar en Lugo oportunidades para poñer en marcha os seus proxectos profesionais, ou está disposta a crealas se non as atopa de primeiras, no ámbito da saúde, da comunicación, do deseño, da tecnoloxía… xa sexa tendo os seus clientes potenciais en Lugo ou traballando para calquera outro punto do planeta.
Coa colaboración do
-
Historias da mocidade en Lugo: Estudantes
LugaresSer lucense e estudante supón que non sempre temos a opción de cursar o que queremos. Iso obríganos a marchar a outros lugares e ver Lugo doutra maneira, sen saber se volveremos ou non. Continuamos coñecendo como vive a mocidade de Lugo e que impresión ten sobre o futuro desta cidade.
Coa colaboración do
-
Historias da mocidade en Lugo: Movementos sociais
LugaresEn Lugo móvense moitas cousas en torno ao deporte, o activismo, a participación xuvenil, o asociacionismo… e é a xente nova quen está impulsando moitos destes movementos, ou que chega de fóra con ganas de contribuír e mellorar a cidade. As protagonistas de hoxe compártennos as súas experiencias e motivacións para apostar polo seu futuro aquí, facendo avanzar a sociedade en distintos ámbitos.
Coa colaboración do
-
Historias da mocidade en Lugo: Cultura
LugaresAlgo se está a mover en Lugo. A capital acolle unha nova fornada de creadoras e axentes culturais que, trala pandemia, decidiron regresar ou simplemente quedar a vivir na cidade. Algo que de primeiras non entraba nos seus plans. E atoparon un Lugo diferente, con máis xente nova e máis oferta de cultura e lecer, pero tamén o Lugo de sempre visto agora con outros ollos: os dunha nova xeración que valora a calidade dunha vida máis lenta, máis barata, máis próxima e en contacto coa natureza.
Coa colaboración do
-
Historias do ‘Resu’: «O mellor deste festival é a xente»
XenteTras dous anos de parada pola pandemia, o Resurrection Fest volveu facer de Viveiro unha das capitais europeas do rock, do hardcore e do metal. Fálase de 140.000 asistentes, que non está mal para unha vila de 15.000 habitantes, pero máis alá dos macronúmeros quixemos fixarnos nas microhistorias das persoas que foron como público, a actuar ou a traballar no festival, e tamén dos veciños que os acollen. Velaquí un retrato coral deste regreso á nova normalidade metaleira.
-
Retratos do ‘tradi’. A revolución do folclore como forma de vida
XenteO Serán’03 xuntou hai uns días centos de persoas no macroencontro de cultura tradicional que, logo de dous anos de pandemia, volveu á Cidade da Cultura para celebrar o vivo que está o folclore: como feito cultural, como actividade de lecer, como modo de socializar a todas as idades. Achegámonos ao Gaiás con O Novo Normal para retratar algunha desa xente, para a que o tradi é unha maneira de estar no mundo, aínda que o seu traballo cotián non teña nada que ver con isto.
-
A Coruña queer. Historias da mocidade LGTBI no primeiro ano sen Samuel
XenteComeza o mes do Orgullo LGTBIQ+ e falta pouco para o aniversario dun feito que conmocionou A Coruña, o asasinato homófobo de Samuel Luiz. Estes días a cidade ferve coa axenda cultural, lúdica e reivindicativa do Corufest. Nós quixemos saír á rúa para coñecer historias en primeira persoa da mocidade queer que vive na Coruña e que atopou nela certo refuxio, pero tamén aínda situacións de inseguridade e incomprensión. E facémolo estreando colaboración con O Novo Normal: A Coruña, a cargo das imaxes e dos textos.