Sete candidatas e candidatos nas eleccións municipais do vindeiro 28 de maio que teñen en común estar na década dos vinte contan en VINTE por que decidiron participar activamente na política e presentarse nestes comicios, tan polarizados pola política estatal que se escoitan menos as demandas das vilas.
Tras dous anos de parada pola pandemia, o Resurrection Fest volveu facer de Viveiro unha das capitais europeas do rock, do hardcore e do metal. Fálase de 140.000 asistentes, que non está mal para unha vila de 15.000 habitantes, pero máis alá dos macronúmeros quixemos fixarnos nas microhistorias das persoas que foron como público, a actuar ou a traballar no festival, e tamén dos veciños que os acollen. Velaquí un retrato coral deste regreso á nova normalidade metaleira.
O Serán’03 xuntou hai uns días centos de persoas no macroencontro de cultura tradicional que, logo de dous anos de pandemia, volveu á Cidade da Cultura para celebrar o vivo que está o folclore: como feito cultural, como actividade de lecer, como modo de socializar a todas as idades. Achegámonos ao Gaiás con O Novo Normal para retratar algunha desa xente, para a que o tradi é unha maneira de estar no mundo, aínda que o seu traballo cotián non teña nada que ver con isto.
Comeza o mes do Orgullo LGTBIQ+ e falta pouco para o aniversario dun feito que conmocionou A Coruña, o asasinato homófobo de Samuel Luiz. Estes días a cidade ferve coa axenda cultural, lúdica e reivindicativa do Corufest. Nós quixemos saír á rúa para coñecer historias en primeira persoa da mocidade queer que vive na Coruña e que atopou nela certo refuxio, pero tamén aínda situacións de inseguridade e incomprensión. E facémolo estreando colaboración con O Novo Normal: A Coruña, a cargo das imaxes e dos textos.