Música

Carlangas e Russian Red asinan 'Nosoutros', maxia nun bolero para bailar agarrados

venres 27, setembro 2024 VINTE @vintenapraza

Carlangas e Russian Red versionan un clásico popular para bailar agarrados. CC-BY-SA Alan Queipo

Quen pode resistirse a un bo bolero? Carlangas e Russiad Red tampouco puideron e veñen de asinar esta pequena pero intensa historia de amor en galego, que reinterpreta o clásico composto hai un século polo artista cubano Pedro Junco.

Quen fora líder de Novedades Carminha e a icona madrileña do indie presentan Nosoutros, unha peza cariñosa, fugaz e frontal; romántica e leve, urxente e reflexiva á vez, para pasarse as mans polos ombreiros e as cadeiras, pero tamén para versar sobre amores imposibles e noites que rematan.

Nosoutros chega case como unha sorte de BSO do peche da discoteca. Este sinxelo é unha peza para bailar agarrados e apertados, para despedir a noite como merece. Pero tamén é o último avance do imaxinario bailable que conterá o segundo exercicio discográfico en solitario de Carlangas, Bailódromo, Vol. 1.

VINTE

Redacción

Tamén che interesa

Vinte no patio Café Derby 21. Temporada 4

Café Derby 21. PRIMEIRAS VECES, con Carlangas

Esta semana achegámonos ata Vilalba, capital chairega por excelencia, para gravar o Café Derby 21 como parte da programación do Festival Independente de Vilalba, o FIV. Conversamos con Carlangas (alias Carlos Pereiro, ou viceversa), que vén de facer o seu debut musical tras a separación de Novedades Carminha. Este programa é difícil de resumir, o mellor xeito de achegarse a el é escoitalo como se fose, de feito, a primeira vez.

Podcast

Co patrocinio de
Entrevista | Filloas: «A miña música é máis xeracional do que eu pensaba»

De rapaz Iago Galego (Coruxo – Vigo-, 1996) era punki. Como vigués creceu escoitando a Siniestro e vendo o Xabarín na televisión. A música sempre formou parte da súa vida: estivo na banda de música de Coruxo, estudou no Conservatorio e con 15 anos xa quixo montar o seu grupo de punk, na contorna de Coruxo, con rapaces da zona. Estudou Enxeñería Informática en Santiago, e tras dez anos vivindo alí, considérase xa máis de Compostela ca de Vigo.
Temas como a saúde mental ou a precariedade laboral que vive a súa xeración marcan unha proposta musical moi recoñecible, pensada para escoitar mais tamén para bailar. Filloas vén de gañar o premio de Novos Talentos do Festigal –onde actuará o 24 de xullo- e este martes tocará no escenario do Atlantic Pride, na Coruña.

Música
De Ninghures publica "Poço": un convite ao baile, á festa e á foliada

«Queremos que cando a xente escoite "Poço", unha muiñeira de montaña con moita enerxía, como as que nos gustan, sinta ese convite ao baile, ao bo rollo, á foliada. Que a xente sinta como propio o que cantamos e que se vexa reflectida nesa letra, nese retrouso e nesa onda de desenfado, desinhibición e alegría», sinalan desde o grupo De Ninghures, fiel ao seu obxectivo de pór en valor a música de raíz e a creación contemporánea.
A banda vén de publicar o seu novo tema, "Poço", unha muiñeira enérxica, ateigada de «aire fresco bo rollo e naturalidade», que desta quenda pretende convidar ao público, dun xeito sinxelo e desenfadado, «a pasalo ben».
O novo sinxelo de De Ninghures vén acompañado dunha peza audiovisual rodada cunha Handycam polos propios membros do grupo. O videoclip pretende reflectir, con naturalidade, o día a día da propia formación, á vez que traslada o espírito de festa e foliada que a define.

Música