Exército Mekemeke. Tempada 5

Buscar piso hoxe en día é unha experiencia espiritual: probas a paciencia, renegas da humanidade e acabas compartindo fotos de cuartos sen xanela como se fosen bens inmobles de luxo. 

Neste episodio falamos do milagre de atopar vivenda, da xente que lle chama “estudio acolledor” a un zulo e da especulación inmobiliaria que converte o alugueiro nun escape room sen saída.

Neste episodio mergullámonos na cara máis surrealista e terrorífica dos agasallos de Reis: esas mañás máxicas que ás veces se torcen cando, en lugar do xoguete soñado, aparece un boneco cunha mirada sospeitosa e unha presenza claramente diabólica. Falaremos de lembranzas de infancia, de expectativas rotas, de bonecos que parecían observarnos dende a estantería pola noite e de como o que debía ser ilusión acabou convertido nun pequeno trauma compartido. 

Un episodio perfecto para rirnos do pasado… agora que xa non temos que durmir coa luz acesa.

O Nadal xunta á familia, aos agasallos… e aos conflitos sen resolver. Antes de discutir polo marisco ou polo tema de sempre, igual toca falar, rir un pouco e facer as paces.

Resolver conflitos tamén é un milagre de Nadal e non precisa luces nin panxoliñas.

Despois dunha longa espera, os mekemekes voltan ás andadas cunha nova tempada cargada de novidades e cousas choooolísimas.

Facemos un repaso importante a estes últimos meses e arrincamos coa tempada, mais antes poñémonos o cinto, porque a seguridade é moi importante.