Neste episodio falamos desa violencia que non deixa mazaduras… pero si ganas de apagar o móbil, cambiar de casa ou finxir amnesia selectiva. Contido que nunha debería existir, momentos incómodos de "señor, sácame de aquí" e reality que deixan moito que desexar.
Todo contado con algo de retranca e a dose xusta de ironía para sobrevivir a ese mal gusto que non é delito, pero debería vir cun aviso sanitario.
Neste episodio mergullámonos na cara máis surrealista e terrorífica dos agasallos de Reis: esas mañás máxicas que ás veces se torcen cando, en lugar do xoguete soñado, aparece un boneco cunha mirada sospeitosa e unha presenza claramente diabólica. Falaremos de lembranzas de infancia, de expectativas rotas, de bonecos que parecían observarnos dende a estantería pola noite e de como o que debía ser ilusión acabou convertido nun pequeno trauma compartido.
Un episodio perfecto para rirnos do pasado… agora que xa non temos que durmir coa luz acesa.
Despedimos o ano por todo o grande, como manda a tradición! Os mekemekes atragántanse lixeiramente coas uvas en cada badalada, entre risas, comentarios absurdos e reflexións profundas que duran exactamente dous segundos.
Mentres repasan o máis mítico e típico do fin de ano —as promesas imposíbeis, os brindes de última hora e o “este ano si” de rigor—, dan a benvida ao 2026 cun optimismo desbordado e un plan infalible: conquistar o mundo… ou polo menos sobrevivir á resaca do primeiro de xaneiro.
O Nadal xunta á familia, aos agasallos… e aos conflitos sen resolver. Antes de discutir polo marisco ou polo tema de sempre, igual toca falar, rir un pouco e facer as paces.
Resolver conflitos tamén é un milagre de Nadal e non precisa luces nin panxoliñas.
Quen nunca se esqueceu de pagar un bizum? Neste programa os mekemekes revisan o historial bancario de todas esas persoas que non pagan as súas contas e as historias daquelas outras que fan virguerías para saír do pozo.
Hai mellor forma de vivir ao límite que improvisar un programa porque te esqueces do tema do que se vai falar. Vaia forma de arricar a tempada teñen estes mekemekes.
Neste programa analizamos varias formas patéticas e inútiles de vivir ao límite.
Este é un programiña especial feito para todas esas persoas que tendo a xustiza ao seu favor, controlar os medios de comunicación e o poder para criticar con total liberdade aos gobernos que non lles gustan; din que vivimos nunha ditadura. Para vós, dereita extrema vai este programa.
Despois dunha longa espera, os mekemekes voltan ás andadas cunha nova tempada cargada de novidades e cousas choooolísimas.
Facemos un repaso importante a estes últimos meses e arrincamos coa tempada, mais antes poñémonos o cinto, porque a seguridade é moi importante.
O verán está cheo de pequenos rituais que todos recoñecemos e que fan desta estación algo máxico.
Neste derradeiro programa de tempada os mekemekes recordan esas experiencias universais que nos acompañan cada ano: dende a eterna loita por conseguir un bronceado digno de revista (aínda que o resultado final sexa máis propio dun gambón cocido), ata a desesperada carreira contra o tempo para lamber un xeado antes de que se converta nunha poza pegañenta. E que dicir da vibe única dos chiringuitos, onde se mesturan o son das ondas, o tintineo dos vasos e ese cheiro inconfundible a crema solar e salitre.
Os mekemekes deciden coller as rendas do amor e axudar aos seus esbirros a atopar a súa media laranxa… ou polo menos intentalo!
Elixiron a varios inscritxs da canle e, baseándose nos seus gustos, personalidades e un chisco de caos aleatorio, formaron parellas inesperadas para unha cita virtual (ou presencial). Finalmente… haberá química?