Música

Piratas sen parche. A carraxe e o humor galego miran ao soul

En VINTE somos moi sensibles á beleza e non podemos deixar de compartir esta fermosa canción co seu videoclip, que vén de saír á luz e que nos trae A Regueifa Plataforma. 

Di Éric Dopazo que os seus Piratas sen Parche fan música para escoitar no sofá pero con pantalón de pinzas e tirantes. Unha querencia polo vintage que se materializa no seu primeiro EP, Sobrábannos ganas, en forma de catro cancións de raigame folk-country coas que aborda con carraxe a sentido do humor a partes iguais temáticas tan pouco antigas coma a gordofobia, a manipulación na TVG ou a homofobia. Unha fórmula inédita na nosa escena que está claramente orientada ao sul, dos Estados Unidos no musical e o do País na abondosas referencias ourensás que enchoupan a lírica do disco.

Tras o premiado videoclip de Eduardita (Premio Youtubeiras 2023) chega agora a espida peza audiovisual de “A balada do Bernardino” na compaña da outra alma dos Piratas Sen Parche, José Gayoso.

Créditos

 

Mandolina, arranxos, produción: José Gayoso 

 

Letra, Guitarra e voz: Éric Dopazo

 

Gravación e edición: Xosé Roi

Tamén che interesa

  • Anxo Araújo propón celebrar "Os días felices"

    O músico pontevedrés Anxo Araújo estrea este venres o videoclip e a canción “Os días felices”, unha aposta musical festiva que convida a celebrar e vivir o presente. O audiovisual foi realizado por A Carrinha Vermelha co material contido nunhas cintas familiares en Súper 8 do propio artista.

    “Os días felices”  é o videoclip de presentación do segundo disco de Anxo Araújo, Aprender a bailar, que se estreará o vindeiro 15 de marzo en plataformas dixitais e que supón a evolución do artista que debutou tras a pandemia cun moi coidado primeiro álbum de estudio, Plan de urbanismo para un novo couto mixto.

    Música

  • “Barco á deriva”. Así soa o novo single de MJ Pérez

    As dificultades no acceso á vivienda, as diferentes crises económicas e sanitarias, a suba dos prezos… Son un cúmulo de factores que ao longo destes anos golpean unha xeración que non pode facer moito máis que limitarse a sobrevivir. MJ roza o lamento cantando con forza, chea de raiba no seu último single “Barco á deriva”,  un tema que nace da frustración da propia artista e da súa contorna.

    A canción é resultado dunha produción a tres mans, entre Iago Blanco (Drum&Roll Studios), Peter Petrowski e a propia MJ Pérez, e que conta tamén co guitarrista Alberto Romero.

    Música
  • Miudiño Sessions

    Miudiño Sessions: Musel

    Nesta nova sesión A Regueifa Plataforma colleu a eternamente inacabada A-54 para achegarse ao corazón da Terra Chá e filmar o exquisito slowcore galaico de Musel. O trío liderado por Óscar Vilariño (ex-Triángulo de Amor Bizarro, A veces Ciclón, Fracaso Tropical) leva unha década achegando a nosa lingua ao son de bandas coma Low ou Yo La Tengo baixo o signo do que non é profeta na súa terra ao editar os seus traballos na mítico discográfica indie Acuarela Discos (Migala, Refree, Sr Chinarro, The Wave Pictures...). 

    Nun alpendre, que foi perfecto acubillo para o frío lugués, a formación, completada por Charlie Méndez ao baixo e Juantxo Pájaro á batería, interpretou as pezas "Feirán", "Sombra e luz" e "Trapalladas".

    Música
  • Miudiño Sessions

    Miudiño Sessions: Bigornia

    Nesta nova sesión A Regueifa Plataforma elévase por riba do skyline da zona vella compostelá para filmar a fórmula vangardista de Bigornia. Unha proposta inédita no País na que Fonsi achega a música electrónica, manufacturada artesanalmente ao vivo con sintetizadores modulares, mentres Xabier faise cargo do baixo e os audiovisuais analóxicos procesados, tamén, en tempo real. 

    O dúo lanzou o pasado ano o seu primeiro traballo discográfico, Tandem, interpretando para a sesión dúas pezas novas, "Parálise" e "Matamarcian4s". 

    Bigornia estarán actuando ao vivo este venres, 9 de febreiro, na Pousada da Galiza Imaxinaria de Boiro.

    Música

Faite de vinte

A partir de 5€ mensuais podes suscribirte a VINTE e colaborar para que sigamos a producir contidos de calidade pagando dignamente as colaboracións de vídeo, fotografía, ilustración, xornalismo e creación de todo tipo.
Quero ser de Vinte