Música

Berlai publica “Ao outro lado da porta”, arte para metabolizar a dor do pobo palestino

Berlai vén de estrear “Ao outro lado da porta”,  unha canción de amor ao pobo palestino producida en colaboración con Fanny & Alexander. Segundo explican desde A Regueifa Plataforma 2.0 esta peza naceu froito da desesperación pola dor que chega a diario de Palestina en forma de imaxes indescriptibles que só a arte é capaz de metabolizar. Un pranto que sementou en forma dunha canción que naceu espida con voz, piano e guitarra e foi medrando ao longo do proceso de gravación e produción até chegar a ser un todo, único, co seu emocionante apartado visual. 

O tema vai acompañado dun videoclip artellado sobre a curtametraxe Home Sweet Home, dirixida por Omar Rammal co apoio de Amnistía Internacional, onde o realizador palestino denuncia o apartheid e vulneración de dereitos sistemática que sofre o seu pobo.

Créditos

Música e letra: Xiao Berlai

Produción: Fanny & Alexander

Videoclip baseado na curtametraxe "Home Sweet Home", dirixida por Omar Rammal 

Tamén che interesa

  • Miudiño Sessions

    Miudiño Sessions: Berlai

    Os equipos de gravación da Regueifa desprazáronse ata unha antiga carnizaría no herculino Portazgo para filmar a Xiao Berlai, unha das voces máis persoais da escena. Na compaña da súa all-star band habitual (Iago Mouriño ao piano, Pablo Sanmamede ao baixo e Bruno Couceiro á batería) o de Guntín fixo un percorrido polos seus dous últimos traballos interpretando "Um país com dous nomes" de Estampas Galegas e "No espelho" e "Na casa" de Cas Berlai.

    Música

  • Secho estrea "Parado no aire". A arte ao servizo da vida en si mesma

    Tres anos despois de Recuperar, o seu segundo álbum, Secho volta con "Parado no aire", nova peza na que Fanny & Alexander achegan a parte musical e audiovisual. O delicado pop acústico de Secho explora novas sonoridades da man de Fanny & Alexander na produción, ensanchando a súa tradicional fórmula enraizada na Americana polos vieiros dos arranxos do Chamber Pop e mesmo da electrónica máis minimalista.

    O autor de Dodro pon voz, versos e composición a unha canción cuxo significado foi mutando ao longo do proceso de gravación, en paralelo aos últimos acontecementos da xeopolítica mundial. Un canto de laio e resistencia contra unha dor ante a que cómpre, en palabras de Bertolt Brecht, poñer a arte ao servizo da maior das artes: a vida en si mesma.

    Música

  • Novo videoclip para "A da misántropa riquiña"

    Lucía Aldao e Fanny & Alexander estrean videoclip para "A da misántropa riquiña", unha peza protagonizada pola poeta coruñesa e realizada polo propio dúo compostelán que pon imaxes a un dos temas incluidos no álbum Manifestas Vol. I, editado  o pasado mes de xaneiro. 

    Manifestas é un proxecto musical que reivindica o papel protagonista das abondosas voces femininas que habitan a escena galega, unha conquista que xunto co pulo da lingua e a naturalización da tradición teñen sido eixes fundamentais na normalización da nosa música nos últimos anos. 

    Música

  • Fanny & Alexander con Arancha Nogueira. Música para reivindicar a soidade

    Fanny & Alexander estrea videoclip para "O ruxir da túa ausencia", terceiro sinxelo do seu último álbum A túa ausencia neste ar, publicado a finais do pasado ano. Unha peza audiovisual inspirada na estética da banda deseñada, manufacturado pola propia banda dende o máis estrito do it yourself, que conta ademais coa colaboración visual e sonora da poeta Arancha Nogueira, autora dos versos nos que se basea a letra da canción. 

    Música

  • "A pantasma do espello". Fanny & Alexander adaptan un poema de Lorena Souto no seu novo single

    "A pantasma do espello" é o segundo sinxelo de " A túa ausencia neste ar" (A Regueifa Plataforma 2.0, 2022), o álbum que supuxo o rexurdimento do dúo compostelán Fanny & Alexander trás unha década en barbeito. Baseado nun poema de Lorena Souto escrito ad hoc para o disco, a canción enfía a temática común do disco, a ausencia, dende o prisma máis persoal posíbel, a ausencia dun mesmo, da propia conciencia. Un enfoque ao que aporta un especial valor engadido o Spoken Word de Theresa P. Lousame arredor da arbitrariedade da memoria extraido do seu videopoema "Senseno". 

    Música

Faite de vinte

A partir de 5€ mensuais podes suscribirte a VINTE e colaborar para que sigamos a producir contidos de calidade pagando dignamente as colaboracións de vídeo, fotografía, ilustración, xornalismo e creación de todo tipo.
Quero ser de Vinte