El Columpio

Dirección, guión, produción, montaxe e fotografía: Silvia Martín Blanco

Banda sonora: Mariña Paz

Intérpretes: Uxía Suárez, Raúl de Celis

Vai de: Desde unha perspectiva antropolóxica e colectiva, a curta busca pescudar nas diferentes significacións e interpretacións da nostalxia, tratando aspectos coma a migración e formulando cuestións tan primarias coma se a nostalxia, daquela, é boa ou é daniña?

O detalle: Debut, como directora e montadora, da pontevedresa Silvia Martín, interesada fundamentalmente na creación de pezas de carácter ensaístico.

Patacas

Dirección e guión: Luís Alejandro Riveiro Rojo 

Produción: Paula Ríos García 

Montaxe: Sergio Baluja Ferraces 

Fotografía: Jimena Torres González e Lola Díaz Fole 

Música: Samuel Lago 

Xénero: Animación

Vai de: Pataquia, unha pataca antropomórfica con brazos e pernas, está pechada nunha caixa de patacas. Síntese decepcionada polo lugar, escuro, ata que ve unha man que baixa do ceo para recoller as súas compañeiras. Pataquia intenta que a man a escolla para “subir ao ceo”, pero non o consigue. Pataquia non sabe que o ceo non é un lugar tan seguro para unha hortaliza coma ela pensa 

O detalle: Luis Alejandro é de Coristanco, terra das patacas, e compartiu a creación da súa curta, o ano pasado, con 18 alumnos do grao en Creación Dixital, Animación e Videoxogos da Universidade da Coruña.

Amor Líquido

Dirección, guión e montaxe: Dani Blue

Produción: Mar Sevilla 

Fotografía: Eva García

Intérpretes: Marga Sanz, Andrés Villaverde, Nano Rivas e Rocío Barros 

Vai de: Andrea e Marcos preparan unha cea familiar cunha nova importante que compartir: tras dous anos de matrimonio, vanse separar. E non hai motivo concreto. Un drama íntimo sobre a disolución emocional nunha sociedade onde os lazos se volven inestables e todo semella temporal, mesmo os sentimentos 

O detalle: Tras o nome de Dani Blue, está Daniel Rodriguez Machado, autor do Porriño, onde rodou toda a curta. Estudou na Facultade de Comunicación en Santiago de Compostela.

Unha persoa, un obxecto

Dirección, guión, produción, montaxe e fotografía: Iago Lourido Calvo

Xénero: Documental Interveñen: Toño, Carmen, Blanca, Mari Ángeles, Guillermo, Isabel, Carmen, Gimena e Ángeles

Vai de: Testemuñas de persoas do concello de Trabada ao seren preguntadas polo seu obxecto con máis valor. Non de valor económico ou material, senón ese “algo” que gardan nos seus máis prezados recordos 

O detalle: O creador, natural de San Sadurniño, contou para a realización da curta, como axudantes de produción, co director Alfonso Zarauza, a actriz Ledicia Sola e o actor Miguel de Lira, entre outros. Realizou os estudos de Fotografía na EASD Mestre Mateo de Santiago de Compostela.

Maronda

Dirección, guión, produción, montaxe e fotografía: Blanca Navarrete e Antía Rodeiro

Banda sonora: Olga Martínez 

Reparto: Alexia Piñeiro Segura e Nuria Saco (voz) 

Vai de: Maronda é un termo empregado en Galicia para referirse á literatura LGTBIQ+. Tamén dá nome a esta peza que combina palabra, música, danza, material de arquivo e animacións para construír un relato sensorial e íntimo que reivindica a necesidade de representación queer na literatura

O detalle: As directoras debutaron na pasada edición nesta sección co documental O Corpiño.

Galicia non arde

Dirección, guión, produción, montaxe e fotografía: Martín Rothardt Veiga

Reparto: Mateo Quindós Adrán

Vai de: “Cando xa non hai sitio para a dor que pode provocar un bidón de gasolina e un chisqueiro sobre a terra que un habita, nas caras dos culpables concéntrase toda a ira”, di Rothardt dunha curta sobre os incendios, Galicia e a culpabilidade.

O detalle: Cun filme rodado por tres persoas durante tres días nos que os incendios ameazaron Lugo, o creador lugués busca, a través da fotografía, da cor, do son e dunha montaxe vangardista crear un espazo sensorial no que o espectador se mergulle nunha experiencia plena. Martín Rothardt formouse na Universidad Complutense de Madrid.

O mar é o meu chan

Dirección, guión, produción, montaxe e fotografía: Martín Rothardt Veiga

Reparto: Mateo Quindós Adrán

Vai de: “Cando xa non hai sitio para a dor que pode provocar un bidón de gasolina e un chisqueiro sobre a terra que un habita, nas caras dos culpables concéntrase toda a ira”, di Rothardt dunha curta sobre os incendios, Galicia e a culpabilidade.

O detalle: Cun filme rodado por tres persoas durante tres días nos que os incendios ameazaron Lugo, o creador lugués busca, a través da fotografía, da cor, do son e dunha montaxe vangardista crear un espazo sensorial no que o espectador se mergulle nunha experiencia plena. Martín Rothardt formouse na Universidad Complutense de Madrid.

Ausencia

Dirección, guión produción, montaxe e fotografía: Gema Rodríguez Pérez

Vai de: Mediante un percorrido introspectivo e autobiográfico, nace Ausencia, unha catarse chea de pérdida, dó e aceptación; a sutura a unha ferida aberta e o refuxio dunha tristeza aínda presente 

O detalle: A autora emprendeu a súa carreira artística como estudante de Belas Artes na Universidade de Vigo e agora cursa asignaturas no ámbito audiovisual que a impulsan a adentrarse no cinema experimental e de autor.

Nuno

Dirección, montaxe e fotografía: Antía Iglesias Iglesias 

Guión: Antía Iglesias e Martín Joga 

Produción: Produciós OU ké! S.L 

Banda sonora: Dani Cornes

Xénero: Animación 

Vai de: Nuno ten un ano e pico e vive cos pais, que o coidan con amor. Está na idade de botar a falar, pero os pais falan de forma diferente cando o fan entre eles que cando se dirixen a el. E Nuno non sabe de que xeito ten que falar. Polo de agora, vai agardar un pouco, a ver se os seus pais se aclaran 

O detalle: Antía, graduada en Creación Dixital, Animación e Videoxogos, debuta con esta curtametraxe que foi premio á mellor TFG con temática galega na UDC.

A Xerarquía das Ausencias

Dirección, guión e montaxe: Eva Vaeli

Produción: Nidara Studio

Fotografía e banda sonora: Manu Sacoga 

Intérprete: Sara Xiari

Vai de: Unha figura fantasmagórica, chegada dun futuro que nunca foi, viaxa á Terra na procura de consolo para a súa dor 

O detalle: Eva Vaeli, graduada en Belas Artes pola Universidade de Vigo, xa concursara nesta sección, na pasada edición, coa curta Senda Estrela.

aiM

Dirección, montaxe e fotografía: Sabela Mar 

Guión: Sabela Mar e Lucía Andrés 

Produción: Georgia Pitchfork

Banda sonora: Cristian Y. Fonollá 

Intérprete: Ash Diz (voz)

Vai de: Unha bailarina, Mia, a piques de facer a súa primeira actuación, é forzada a confrontarse consigo mesma ao quedar atrapada na sala de ensaio. O seu reflexo, aiM, cobrará vida e levará a Mia por un camiño de autodescubrimento. Enfróntate ao espello ou déixate consumir por el. 

O detalle: A directora de Ponteareas fogueouse nos videoclips antes de rodar esta curta. Estudante de Comunicación Audiovisual na Universidade Carlos III de Madrid, a curta foi filmada na Universidade de Coventry, en Reino Unido, onde cursa o programa Erasmus.