O Corpiño

Dirección, guión e produción: Blanca Navarrete e Antía Rodero

Montaxe: Antía Rodeiro e Arantxa Carricoba

Fotografía: Agustín Segura

Xénero: Documental 

Vai de: O Santuario da Nosa Señora do Corpiño (Santa Baia de Losón, Lalín), coñecido popularmente como “santuario dos exorcismos”, é un dos máis visitados da Galicia interior. Pero que esconde máis alá desta denominación? Por que atrae cada ano a miles de visitantes? Fe. Tradición. Milagres. Ofrecementos. Curiosidade. Festa… Todo depende dos ollos que o miren 

O detalle: Un achegamento con mirada propia ao Corpiño, o singular santuario galego dos exorcismos. As autoras formáronse na Universidade de Santiago.

Lobelia

Dirección e guión: Laura Barriga 

Produción: Paulino Pérez, Marcos Seijo e Gabriela García

Montaxe: Álex Rodríguez e Isaac González

Fotografía: Hugo Carnero Música: Samuel Lago

Banda sonora: Javier Gómez e Sara Gimeno

Intérpretes: Mateo Rodríguez, Iris Pérez, Manuel Cortés, Isaac Abengoza, Jorge Destar e Uxía Suevos 

Vai de: Roi é un estudante de filosofía que, inspirado pola última clase sobre a teoría da auga de Heráclito, enfróntase ao reto de aproveitar cada momento como único. Tras un encontro fortuíto con Alba, unha moza que lle gusta, Roi decide falarlle. Conforme comezan unha relación que vai progresando durante varios anos, Roi goza da vida con máis plenitude, inspirándose nos consellos dela para tomar riscos e aproveitar as oportunidades que se lle presentan. Finalmente, Roi e Alba regresan ao lugar onde se coñeceron e descúbrese que nada foi parte real, senón pura fantasía de Roi. 

O detalle: O detalle: Alumna da Universidade de Vigo, Laura Barriga elixiu na curta un interesante elenco de novos intérpretes.

Seres de Luz

Dirección, guión, produción, montaxe e fotografía: Hugo Carnero

Xénero: Documental

Vai de: Nunha proposta dividida en tres actos con cadanseu xeito narrativo e visual, Carnero móstranos a súa mirada persoal sobre a luz, entendida coma un elemento fundamental no desenvolvemento da vida que inflúe na percepción do cosmos e nas emocións humanas. 

O detalle: A través dunha peza en tres actos, o autor achega unha mirada singular acerca da luz, da súa percepción e das emocións que evoca.

Solposto

Dirección, guión, produción, montaxe e fotografía: Iago Lourido Calvo

Banda sonora: Brown Eyed Girl, de Van Morrison

Reparto: Carmen Bouza, Miguel Sanjurjo, Juan Roca, Pablo Martínez, Laura Prieto e Kevin Lorenzo 

Vai de: Solposto é un lugar ben curioso. Acompañamos a Miguel e Maruxa no seu día a día como residentes na localidade

O detalle: Formado en fotografía na Escola Mestre Mateo de Compostela, Iago Lourido é unha das grandes promesas saídas da canteira inesgotable do Chanfaina Lab.

Ciudá de ladrillo

Dirección e produción: Carlota Álvarez Feijóo

Reparto: Teresa González, Erundina González, Maruja Vázquez, Peregrina Fernández

Vai de: Máis dunha vintena de familias, na súa maioría labregas, construíron a súa propia historia. Agora esa historia só permanece na memoria das poucas veciñas que quedan, esas “muchachas que andaban sempre de pertenera”, a avoa da realizadora entre elas. 

O detalle: A directora, formada na USC, volve a aldea onde reside a súa familia para atoparse de novo co seu pasado e trazar un retrato sobre o despoboamento.

Senda Estrela

Dirección, guión e montaxe: Eva Vaeli e Manu Sacoga

Produción: Nidara Studio 

Fotografía e banda sonora: Manu Sacoga

Reparto: Paula Gavilán

Vai de: Logo de rebuscar entre os anacos da súa infancia, a protagonista emprenderá unha viaxe para realizar algo insólito: celebrar o seu propio funeral

O detalle: Os directores, formados na Universidade de Vigo, son participantes habituais, nas últimas edicións, da sección Novas Camadas.

Liminal station

Dirección, guión, produción, montaxe e fotografía: Mario Fernández Filloy 

Vai de: Unha gata vive nunha estación de tren abandonada, solitaria e melancólica, esperando volver ver o gato dos seus soños. Os trens pasan, pero nunca paran, e ela confía en que algún día un se deteña e aquel gato apareza.

O detalle: Curtametraxe realizada a partir das gravacións de dúas gatas ao longo de varios meses. Mario F. Filloy regresa a Novas Camadas con esta curta de imaxe real, despois de concursar na sección coa peza de animación Illa Cordura, que sería finalista dos Mestre Mateo.

A memoria das pedras

Dirección, guión e montaxe: Pablo Goirigolzarri Pascual e Adela Hervés García

Produción: María Gamallo, Pablo Goirigolzarri e Adela Hervés

Fotografía: María Gamallo Banda sonora: Quique Rubio Intérpretes: Chelo Lamela e Nani Matos

Vai de: Nunha aldea do interior de Galicia unha muller de avanzada idade, Dorinda, fai fronte ao desacougo de sentir a espreita da morte. Porén, cando tralo cabodano da súa mellor amiga un inusual desvío a leva a redescubrir a casa onde naceu, aparece nela unha nova ilusión. Ese lugar, agora en ruínas e esquecido, convértese nun refuxio inesperado onde pode viaxar a través das súas lembranzas, revisitando o seu pasado. Rememorar e traer ao presente as experiencias vividas proporciónalle a Dorinda a calma e a serenidade necesarias para enfrontar o futuro cunha actitude distinta

O detalle: Unha curtametraxe de ficción que explora a temática da memoria a través da combinación de imaxe real e animación 2D.

A Pena das Troiteiras

Dirección, guión, montaxe e fotografía: Luján Monteiro e Alba López

Produción: Cuatro Cuatros

Banda sonora: Álvaro Martínez

Intérpretes: Alba López, Luján Monteiro, Álvaro Martínez, Pablo Rodríguez

Vai de: Cunha narrativa visualmente poética, a curta evoca lendas locais e crenzas transmitidas arredor da premonición da morte, co fío condutor dun crime (real, fabulado ou quizais metáfora da ameaza ambiental que sofre o río Eo?) polo que acusaron a dúas troiteiras de Trabada, na provincia de Lugo. 

O detalle: Peza para a primeira edición de Cine do Eo. O proceso de creación, desde as ideas ata a montaxe, transcorreu en 24 horas.

Santa Compaña

Dirección e produción: Mateo Bouzada Lorenzo

Guión: Javier Rodríguez e Mateo Bouzada

Montaxe: Mateo Bouzada e Juan Sánchez-Gamboa

Fotografía: Juan Sánchez-Gamboa

Banda sonora: Álvaro Casino

Intérpretes: Mateo Bouzada, Miguel Ramos, Gustavo Lorenzo, Roberto Blanco e Sonia Lorenzo Vai de: Unha mañá, mentres caza, Mauro, un rapaz de 22 años que vive nun pobo afastado da Galicia interior, escoita no bosque o son de estranas campaniñas. E xa nada volverá ser igual.

O detalle: Formado na Universidade Villanueva de Madrid, este cineasta de orixe ourensá, dirixe e interpreta este filme rodado na fronteira entre Ourense e O Bierzo.