Música

Vinte estrea videoclip de Abril. "Arredor da mesa", a muiñeira das amigas

venres 29, novembro 2024

Abril presenta ‘Arredor da mesa’, un single cociñado a lume lento xunto ás amigas. O novo tema é unha muiñeira de Caroi con arranxos propios, recollida por Xisco Feijoó e con letra orixinal de Petra Iglesias e Claudia Abril. «O que fai tan especial este traballo é que todas as persoas que colaboraron, dende a gravación da canción ata o videoclip, son amigas nosas e todas dedicaron as súas enerxías a axudarnos. Querémosllo agradecer enormemente», explican desde a formación.

O dúo formado por Claudia Abril (voz e percusións) e Marina Carpente (Violín e voz) bebe das músicas de raíz e achega unha proposta moderna e ao tempo delicada. "Arredor da mesa" é, precisamente, unha oda ao amor das amigas, a pasar tempo de calidade con elas, a coidalas e querelas ben. Por esta razón Abril quixo facer unha canción dedicada a elas contando coa súa participación cantando, tocando, escribindo a letra, producindo, dirixindo o vídeo ou actuando.

No videoclip, un traballo de Miguel Méndez e Marta Ferrer, amósase un imaxinario onde as amigas son casa: un lugar seguro e amoroso cheo de cores vivas.

O novo single é un adianto do primeiro traballo discográfico que Abril ten previsto publicar en 2025. Este venres 29 de novembro, o grupo ofrecerá un concerto na biblioteca Rego da Balsa de Carballo ás 20.30 horas enmarcado na programación do 25N.

Créditos

Música

Arranxo: Abril sobre unha muiñeira tradicional de Caroi recollida por Xisco Feijoó.

Letra orixinal: Petra Iglesias e Claudia Abril

Voz e Percusións: Claudia Abril

Violín: Marina Carpente

Coros: Anaïs Barbier, Antón Veloso, Fergi Huins, María Jorge, Pedro Fariñas e Petra Iglesias

Gaitas: Pedro Fariñas

Sintetizadores: Zalo Rodríguez

Produción: Zalo Rodríguez & Abril

Gravación, mestura e mástering en Estudios Mans: David Fernández Rodríguez

Auxiliares de gravación e montaxe do equipo de audio: David Paredes e Javier Justo

Vídeo

Dirección e guión orixinal: Miguel Méndez e Marta Ferrer

Dirección de Fotografía: Miguel Méndez

Dirección de Arte: Marta Ferrer e Petra Iglesias

Dirección de Vestiario: Marta Ferrer e Petra Iglesias

Montaxe e cor: Miguel Méndez

Operadores de Cámara: Marta Rodríguez e Héctor Gómez

Dirección de Produción: Petra Iglesias

Deseño gastronómico: Joana Lamarca

Deseño floral: A Silveira Flores x Petra Iglesias

Figuración: Neli, Alba, Sara, Zalo, Guille, David, Eva, Yow, Fergi, Petra, Antón, Fonso, Gerom, Tere,

Marta, Avi e os canciños Allo e Oba

Tamén che interesa

Entrevista | Marián: «A música queda nun recuncho do corazón máis alá do racional, máis alá de calquera desorde mental»

Foi Roshmary e cantaba en inglés; foi publicista ata que o deixou para dedicarse, desde 2019 completamente á música. O soul forma parte da súa banda sonora vital e ben se lle nota ao escoitar os seus temas, que van agromando aos poucos mentres Maríán (Outes, 1994) prepara o lanzamento do seu primeiro disco, protagonizado pola «muller salvaxe», segundo ela mesma explica.
Neste universo de apuros e prioridades infinitas, a de Outes deuse o permiso de expresarse en liberdade e sen présas. Iván Ferreiro deulle algúns consellos, que aproveitou para depurar letras e segue un camiño creativo con Iago Pico como produtor e amigo. Marián declara sen titubeos que «a música está moi ben, pero ao final é máis importante que esteamos ben» e salienta o poder da música para curar e conectar as persoas, tal e como está a comprobar nos obradoiros de música que imparte no hospital de Conxo.

Música
De Ninghures publica "Poço": un convite ao baile, á festa e á foliada

«Queremos que cando a xente escoite "Poço", unha muiñeira de montaña con moita enerxía, como as que nos gustan, sinta ese convite ao baile, ao bo rollo, á foliada. Que a xente sinta como propio o que cantamos e que se vexa reflectida nesa letra, nese retrouso e nesa onda de desenfado, desinhibición e alegría», sinalan desde o grupo De Ninghures, fiel ao seu obxectivo de pór en valor a música de raíz e a creación contemporánea.
A banda vén de publicar o seu novo tema, "Poço", unha muiñeira enérxica, ateigada de «aire fresco bo rollo e naturalidade», que desta quenda pretende convidar ao público, dun xeito sinxelo e desenfadado, «a pasalo ben».
O novo sinxelo de De Ninghures vén acompañado dunha peza audiovisual rodada cunha Handycam polos propios membros do grupo. O videoclip pretende reflectir, con naturalidade, o día a día da propia formación, á vez que traslada o espírito de festa e foliada que a define.

Música
Alana mestura muiñeiras e pop en ‘O xeito á cántigha’

Alana, o proxecto musical das bergantiñás Antía Vázquez, Eloy Vidal e Pablo Castro, publica este venres, 3 de maio, o seu primeiro disco, O xeito á cántigha, que xa está dispoñible en todas as plataformas dixitais e en formato físico.
“Liñares” ó o single deste primeiro traballo, que vén acompañado dun videoclip dirixido por Jorge López.
Alana naceu en 2023 para poñer en valor a música tradicional galega. Parten das recollidas para mesturar as melodías tradicionais con ritmos de base electrónica e pop.

Música
Miudiño Sessions

Miudiño Sessions: Lucía Aldao

Desta volta A Regueifa Plataforma 2.0 foi até a casa-museo de Lucía Aldao na cidade da Coruña para filmar unha nova sesión, a novena, na que a música e poeta contou coa colaboración de Óscar Vilariño na guitarra, batería e teclados para amosarnos unhas versións engalanadamente espidas de "Boneca de silveira", "A letra desta canción" e "Unha que soase así".

Música