Música

Chega Pava 3, o pop luminoso e sofisticado de Lucía Aldao

xoves 19, decembro 2024

A poeta e compositora coruñesa Lucía Aldao estrea este xoves o que supón o terceiro disco do seu proxecto musical, Pava. O EP Pava 3 xa está dispoñible para escoitar nas principais plataformas dixitais e é posible adquirilo a través do Bandcamp de Pava. O lanzamento coincide coa estrea do videoclip realizado por Antón & Martiño para o tema “Unha cadela chamada Por Favor”, unha balada que contou coa colaboración de Gloria Pavía.

Pop luminoso con letras coidadas e melodías exquisitas atravesadas por cuestións de xénero, identidade sexual, idade ou lingua seguen a estar presentes no traballo de Pava, que agora é máis poliédrica, unha banda onde Lucía Aldao exerce de frontwoman, e iso reflíctese tamén na súa música, máis sólida e sofisticada, segundo explican desde o grupo.

Pava 3 está composto por cinco temas: “Catastro”, “O himno da lesión”, “Tremendamente coquetas” , “Unha cadela chamada Por Favor” e “Catastriño”. «Quedáronnos tres de bailar e dúas de chorar. Para todos os gustos», explica Lucía Aldao.

O concerto de presentación de Pava 3 terá lugar na Mardi Gras o domingo, 5 de xaneiro, nunha Noite de Raíñas Pavas alternativa, disidente e tamén, por que non, máxica.

Créditos

Guitarra, melodía, letra e voz de Lucía Aldao

Voz de Gloria Pavía

Baixo e cordas de David Santos

Guitarra de Pablo Silva

Batería de Analís

Produción de Julián Goicoa

Masterización de Álvaro Gallego

Tamén che interesa

Terceiro Tempo

Terceiro Tempo. Con Lucía Aldao: 'Mazar é político'

Segundo episodio do Terceiro Tempo, unha serie de conversas-happening coas voces poéticas máis interesantes do noso panorama novo, que ten como epicentro o Café Universal da Coruña. Un espazo e un tempo para a vivir a acción poética doutro xeito, á calor do amor nun bar e gozando da conversa, da performance, da música, da bebida e do baile.
A nosa convidada desta vez é Lucía Aldao, poeta, música, cómica, performer e en xeral unha #tíaxulísima da Falperra, que nos trae un tema do que se declara experta e tamén apoloxeta: mazar. Porque mazar é político, e porque a identidade de Lucía Aldao, entre outras, é a de "persoa que maza", percorremos con ela unha escolma de "maces" antolóxicos da súa vida.
Miudiño Sessions

Miudiño Sessions: Lucía Aldao

Desta volta A Regueifa Plataforma 2.0 foi até a casa-museo de Lucía Aldao na cidade da Coruña para filmar unha nova sesión, a novena, na que a música e poeta contou coa colaboración de Óscar Vilariño na guitarra, batería e teclados para amosarnos unhas versións engalanadamente espidas de "Boneca de silveira", "A letra desta canción" e "Unha que soase así".

Música
PAVA 2. Lucía Aldao e o amor das amigas

«Un canto á amizade e á necesidade doutras olladas –as das amigas– que, desde o amor, axudan a cuestionarnos as nosas crenzas e a revisar os nosos discursos, que falta fai». Todo isto é PAVA 2, o segundo EP en solitario de Lucía Aldao.

Música
Café Derby 21. Lucía Aldao, facer un dúo e levar o neno a judo

Esta semana achegámonos ata a cidade da Coruña, ao Café Universal, para celebrar o terceiro aniversario de Vinte e, de paso, facer un pouco do noso, do espectáculo. Para manter o lestón alto, acorde á ocasión cun selecto público, contamos coa poeta e cantautora Lucía Aldao, que vén de publicar o seu debut en soitario pero que continúa co seu dúo Aldaolado. Con ela falamos precisamente de parellas pero non románticas, senón desas persoas que son case como células dun mesmo.