Música

PAVA 2. Lucía Aldao e o amor das amigas

xoves 29, decembro 2022

«Un canto á amizade e á necesidade doutras olladas –as das amigas– que, desde o amor, axudan a cuestionarnos as nosas crenzas e a revisar os nosos discursos, que falta fai». Todo isto é PAVA 2, o segundo EP en solitario de Lucía Aldao tras o seu debut hai un ano con PAVA. "A da misántropa riquiña", "Ala, veña", "Abril, cerral" e "Sensata e con coche" son as catro novas cancións de Aldao coas que completa este proxecto musical expansivo que, neste caso, só existirá en soporte dixital. Mais este PAVA 2 virá acompañado de moitos directos para o ano 2023.

Lucía Aldao leva máis de vinte anos dedicándose de maneira profesional ao mundo da poesía escénica, da música e do humor e desde 2005, xunto coa poeta María Lado, é parte dúo Aldaolado. As dúas poetas formaron en 2021 a Banda Aldaolado e gravaron dous discos: CASA! e Forestal, un álbum que verá a luz en breve.

Créditos

PAVA 2 é un EP de Lucía Aldao como continuación de PAVA (2021)

Produción musical de Diego Delgado

Portada dixital: ilustración de Lucía Corral

Distribución: Urdime

Máis Vinte

‘Casa!’ O lugar seguro de Aldaolado

Tantos anos xirando por Galicia e polo estranxeiro, tantos ‘bolos’ nos que conviven a poesía, o humor e a música, e Aldaolado, o dúo formado polas poetas Lucía Aldao e María Lado, aínda non tiña ningún álbum gravado. Agora presentan ‘Casa!’, o seu primeiro traballo discográfico, un EP con media ducia de cancións que o público dos seus concertos máis recentes xa tivo ocasión de escoitar. Imos debullalas coa axuda das súas creadoras.

Música
Café Derby 21. Lucía Aldao, facer un dúo e levar o neno a judo

Esta semana achegámonos ata a cidade da Coruña, ao Café Universal, para celebrar o terceiro aniversario de Vinte e, de paso, facer un pouco do noso, do espectáculo. Para manter o lestón alto, acorde á ocasión cun selecto público, contamos coa poeta e cantautora Lucía Aldao, que vén de publicar o seu debut en soitario pero que continúa co seu dúo Aldaolado. Con ela falamos precisamente de parellas pero non románticas, senón desas persoas que son case como células dun mesmo.