Música

'Azul vindeiro': así soa o novo disco de Devalo

venres 22, marzo 2024

Este venres Devalo publica o seu terceiro disco baixo o título Azul vindeiro. O traballo vén acompañado tamén dun novo videoclip, que ilustra o tema “Natureza case morta”, con espectaculares imaxes rodadas en Galicia (Lousame e A Coruña), mais tamén en Francia (Chartres, Nantes e La Roche-sur-Yon) e Gales (Bangor e Menai Bridge).

No seu novo disco, Devalo invita a «recuperar a capacidade de pensar no futuro» que, debido a continua crise, xa case parece non existir.« Vivimos no debilitamento da esperanza». É por isto que David Miranda crea cancións que se rebelan e tratan de volver ter a capacidade de concibir un mundo mellor, aínda que parta do descontento do presente.

Créditos

'Azul vindeiro' (Ferror Records, 2024).

DEVALO é un proxecto de David Miranda.

As cancións están masterizadas por Jahel Piñeiro en 8 Estudios.

Tamén che interesa

Devalo. Bombas de pensamento

David Miranda retorna en marzo co seu proxecto musical Devalo a través de Luz/Sombra, un traballo do que adiantos como “Melancholie” fannos pensar en referencias tan icónicas como My Bloody Valentine e The Radio Dept. Inmersión ata os tesouros máis prezados da inspiración indie pop británica da que nos fala o seu protagonista.

Música
Miudiño Sessions

Miudiño Sessions: DEVALO

A Regueifa Plataforma 2.0 viaxou até o corazón da Coruña para filmar unha nova entrega das Miudiño Sessions, desta volta protagonizada por DEVALO, o proxecto de synth-pop de David Miranda. Nesta nova sesión, xa a número oito, ofreceunos en formato trío unha escolma dos seus últimos traballos, interpretando "Neve de maio", "Aves negras" e "Houdini" na compaña de Edu Poch (Atrás Tigre) ao baixo e Josen Miranda á guitarra

Música
Miudiño Sessions

Miudiño Sessions: Pauliña

Desta volta A Regueifa Plataforma achegouse ata Silleda para filmar a sesión de Pauliña, unha das voces propias con máis personalidade da escena galega.
Fronte a un muro de motores que agardaban solemnes unha segunda vida a cambadesa teceu na compaña da súa banda a súa habitual mestura de estilos en tres pezas (Fame, Pasa de min e Fáltame o aire) nas que, coa dominancia cromática punk marca da casa pauliana, o urdime se foi tinguindo dunha policromía que foi do rock, ao blues ou ao raggamuffin. Un saboroso petisco audiovisual para ir abrindo boca na véspera mesma da saída do seu novo disco, Galego Is Not Dead.

Música
Anxo Araújo propón celebrar "Os días felices"

O músico pontevedrés Anxo Araújo estrea este venres o videoclip e a canción “Os días felices”, unha aposta musical festiva que convida a celebrar e vivir o presente. O audiovisual foi realizado por A Carrinha Vermelha co material contido nunhas cintas familiares en Súper 8 do propio artista.
“Os días felices” é o videoclip de presentación do segundo disco de Anxo Araújo, Aprender a bailar, que se estreará o vindeiro 15 de marzo en plataformas dixitais e que supón a evolución do artista que debutou tras a pandemia cun moi coidado primeiro álbum de estudio, Plan de urbanismo para un novo couto mixto.

Música