Música

A Regueifa 2.0 presenta as Miudiño Sessions

Seguindo o ronsel dos concertos para levar de La Blogotheque, os Tiny Desk Concerts da radio pública norteamericana ou os pioneiros acústicos da MTV dos 90s, A Regueifa 2.0 estrea as Miudiño Sessions, unha serie de micronconcertos de grupos e solistas galegxs en formato mínimo gravados en localizacións singulares. Poñendo o foco tanto no visual –toda a serie estará filmada en 4K– coma no musical –procurando unha calidade de son semellante á gravación en estudio– o proxecto estrease co barcalés HOLGADO, interpretando ao pé do cruceiro de Gonte na súa Negreira natal tres temas de "O fillo de Suso", o seu novo album. Acompañado ao saxo e ao caixón por Daniel e Diego Vieito, Holgado debulla con nostalxia as lembranzas desa infancia rural que se extingue irremediablemente, interpretando "A piscina", "Herba seca nas brañas" e "Notas do funeral de Ricardo Vieito"
 

Créditos

Holgado: Guitarra e voz 

Daniel Vieito: Saxo 

Diego Vieito: Caixón 

Imaxe e Son: A Regueifa 2.0

Faite de vinte

A partir de 5€ mensuais podes suscribirte a VINTE e colaborar para que sigamos a producir contidos de calidade pagando dignamente as colaboracións de vídeo, fotografía, ilustración, xornalismo e creación de todo tipo.