Música

“Que se nos faga de día” De Ninghures e Mondra teñen gana de verán

mércores 6, maio 2026

Estoupar os bilitroques/ Ir por amoras/ Deitarse na herba seca/ Xuntarse nun bar/ Sentir o salitre no corpo/ De ir nadar ao mar/ Cheirar o fume na roupa/ Na noite de San Xoán

De Ninghures e Mondra xúntanse por vez primeira para festexar e cantar ao verán galego. “Que se nos faga de día” é o título dunha canción que cheira a salitre, herba seca e fume de San Xoán, que fala de amor, de suor e, especialmente, de deixarse levar. Juan de Dios Martín produce esta rumba que se converte nunha auténtica oda ao estío galego, segundo subliñan desde a produtora. É un canto vigoroso á época das verbenas, dos días luminosos e das noites que nunca se queren deixar marchar; a celebración dunha terra que, tanto no mar coma na montaña, non deixa de cantar.

Créditos

Produción: Juan de Dios

Gravación e mistura: Juan de Dios en Casadiós

Máster: Black Box Mastering

Dirección: Adela Otero e Lorenzo Negueruela

Dirección de produción: Adela Otero

Dirección de fotografía: Lorenzo Negueruela

Dirección de arte: Melania Freire

Axudante de arte: Sofía Seijas

Xefas de vestiario: Adriana Lado e Sofía Seijas

Xefa de maquillaxe e perruquería: María Ferradás

Montaxe e cor: Lorenzo Negueruela

Compositor (es): Adrián Méndez Fernández, Aldara Palmeiro Pazos, Adrián García Pérez, Manuel Fernández López, Manuel Lucas Mariño, Marta Álvarez Díaz, Martín Mondragón, Tomé Mouriño Covelo

Letrista (s):, Adrián MéndezFernández, Aldara Palmeiro Pazos, Adrián García Pérez, Manuel Fernández López, Manuel Lucas Mariño, Marta Álvarez Díaz, Martín Mondragón, Tomé Mouriño Covelo

Tamén che interesa

Vinte almorzando con Mondra

"Non teño o recordo de querer ser outra cousa". Almorzamos e parolamos co cantante, compositor e bailarín Mondra, que vén de publicar o seu segundo disco "De Ronda". O artista reflexiona sobre o rápido que está a acontecer todo na súa carreira musical, a conexión tan boa e tan forte que os seus temas acadaron co público e o novo reto que supuxo este álbum, feito da man do Hevi. Un traballo onde segue a dialogar coa tradición oral galega, pero dun xeito máis orgánico e prescindindo da electrónica.
Mondra fala das súas referentes, as mulleres que escoitaba cantar de pequeno como Sés ou Guadi Galego, e do reto que supón achegar o seu traballo ao público como el quere e non como mandan as redes sociais, que nos teñen a todos "escravizados".

VINTE almorzando con Deleite

Coa colaboración de
Entrevista | De Ninghures: «A nosa música axuda a que a xente diga "que guapa é a miña cultura"»

Apoteósico, unha pasada, brillante, unha feira, pero no bo sentido da expresión, claro. Hai case un mes que De Ninghures presentou o segundo disco, Feira, cunha gran festa chea de amigos na Sala Capitol de Compostela. Aínda coa doce resaca daquel momento falamos con Aldara Palmeiro (violín e voz), Manuel Fernández Cataqui (percusión, frautas e voz) e Hadrián García (clarinete e duduk) do seu disco máis desinhibido ou do gran momento da música galega en galego.
«A xente hoxe en día non sabe moi ben nin de onde ben e de súpeto coñece música de aquí e decátase de que é o seu. É un tipo de música que te engancha dun xeito especial. Séntela como propia, ademais de bailar duramente», conta Cataqui.

Música
De Ninghures actualiza a copla tradicional e canta ao mal amor en "O último baile"

De Ninghures vén de estrear “O último baile”, o terceiro adianto do seu novo álbum, un traballo producido por Juan de Dios Martín que verá a luz nas vindeiras semanas.
“O último baile” parte dunha copla recollida en 1979 en Arzúa por Dorothé Schubarth á informante Salomé e que se atopa no APOI (Arquivo do Patrimonio Oral da Identidade). A partir desta lírica da tradición popular, e fiada polos propios versos e música de De Ninghures, nace un tema que fala do mal amor, «ese amores que se che meten na cabeza e que nos consomen», segundo apuntan desde a banda. Unha idea que se reforza a través dunha instrumentación escura e hipnótica e dunha sonoridade agresiva, que medra ata entrar en bucle, “como se fora unha obsesión que te encende e te destrúe a partes iguais”, detallan.

Música
“Teño caldo quente”: Mondra remexe na pota

“Teño caldo quente, quérelo probar?” pregunta o artista ao inicio desta retranqueira e insinuante peza que o público xa pode degustar nas plataformas dixitais.
Poderiamos dicir que Mondra resignifica o caldo, pero, imos deixarnos de parvadas e simplemente animamos a escoitar a nova canción e ver o vídeo do cantareiro e bailador, que tan ben acae neste frío venres de inverno e “non lle fai mal a ninguén”, tal e como canta.
“Mira, rapaciño, o prato está na mesa e canto máis te miro, máis o caldo espesa”... Este tema é a segunda creación que Mondra dá a coñecer do que será o seu novo disco, logo do pasodobre "Vale máis un canciño", producido integramente a carón de Hevi no Laboratorio Soyuz. A súa dirección creativa global lidéraa Zeltia Iglesias, con quen xa traballou en ARDĒN.

Música