Música

"Ferido", pop electrónico de desamor no debut de Xoán Fórneas

venres 28, novembro 2025

Este venres amenceu o proxecto musical do actor Xoán Fórneas, baixo o nome de O Xoán. O traballo nace tras unha etapa persoal que o levou a regresar ao lugar e ás persoas que o formaron no rural lucense. “Ese reencontro coa súa contorna permitiulle recuperar unha parte de si mesmo que quedara en segundo plano durante os anos en Madrid e retomar a música como o seu medio natural de expresión”, explican desde a produción do traballo.

"Ferido" marca o inicio dun proxecto que combina música contemporánea en galego, rito e un toque camp, transformando a ferida emocional nun lugar luminoso, irreverente e vital. "A canción nace dun período de cambios afectivos e converte ese tránsito nun movemento que vai da vulnerabilidade á celebración", explica O Xoán.

O videoclip conta con Irene Montes á dirección e Sabela Eiriz na foto fixa.

Créditos

Créditos videoclip:

-Produción executiva: Fran Fórneas

-Dirección de produción :Xoán Fórneas, Irene Montes

- Dirección: Irene Montes

- Idea Creativa : Xoán Fórneas

- Director de Fotografía — Pívot García

- Axudante de Cámara — Antón Maceira

- Foto Fixa — Sabela Eiriz

- Making Of — Jonathan Mera

- Jefe de Produción — Manuel Expósito

- Coordinación de Produción — Reyes Penelas

- Dirección de Arte — Tania Villamarín

- Axudante de Arte — Reyes Penelas

-Xefa de Maquillaxe — Chicha Blanco

- Xefe de Vestiario — Sergio Marey

- Máscaras — Riad

- Cesións de Vestiario — CDG, Soto Lago, Kaotiko

- Coreografía — David Freire

- Etalonaxe — Sebastián Martín (Gradepunk)

- Montaxe — Irene Montes

Tamén che interesa

Saibran publica “Meu”, un tema “escuro, sucio e directo”

“Cos ollos achinados como Yao Ming, / Quedándome calvo como un shaolin, /Ahora me cuido sólo bebo mahou sin, / Porque o escenario é como un puto ring”.
Así comeza o novo de Saibran, “Meu”, petisco do que será o seu primeiro disco, Atardecer harmonioso con gotas de primavera, que amencerá o 5 de decembro.
“Meu” é un tema escuro e sucio. É nocturno e directo. Achégase ao máis fondo mais, se cabe, tamén abre a porta a un novo inicio, segundo apuntan desde a banda liderada por Cibrán García (Boyanka Kostova).
Cunha base de Møu (DKTC, Lumedoloop), e con Julián Goicoa no baixo e Fiz García na batería, Meu contrapón a actitude do rap máis descarado coa fraxilidade emocional e a instrospección. "Teño cheo o cenicero, cada calada unha neurona menos, cada colilla un problema que enterro, queda gardada dentro do cerebro, teño que facelo si non me quebro e..." canta Cibrán García.

Música
Lontras debuta con “Peixe no millo” e move os marcos da canción alternativa

O trío galego Lontras presenta "Peixe non millo", a primeira canción da súa carreira e o primeiro adianto do que será o seu álbum de debut.
Segundo detallan desde Raso Estudio, en Lontras danse a man o jazz, a indietrónica, a canción ibérica e o pop alternativo máis maduro, “serpenteando nun código sonoro no que se respiran ecos que van desde Mozo Buarque a Rodrigo Amarante, de Wilco a Boards of Canada”, indican.
"Peixe non millo" conta, ademais, cun videoclip dirixido por Miguel Méndez e Marta Méndez e protagonizado polo tres membros de Lontras.

Música
De Ninghures e Ortiga crean "RosaLinda", música bailable e luminosa para espremer o verán

Da mestura entre as raíñas das feiras e o xefe das verbenas agroma "RosaLinda", a primeira colaboración que asinan De Ninghures e Ortiga.
"RosaLinda" nace como unha peza bailable e luminosa, na que o amor fía e reborda cada compás e que se presenta como a canción do verán que chega en setembro. A peza acompáñase dun videoclip dirixido por Lorenzo Negueruela e que se pode ver desde este venres na canle de Youtube de De Ninghures.
No campo da festa conflúen os elementos máis recoñecibles das dúas bandas: o estilo de Ortiga e a organicidade dos instrumentos de De Ninghures -incluíndo algunha melodía tradicional- son parte dunha fermosa canción que se pecha cun pasodobre do gaiteiro santiagués Juan Bello Mallou e as palabras da súa compañeira, Mercedes Segade, falando do seu amor.

Música
Sabela Eiriz. A mirada no lugar compartido

De cativa Sabela Eiriz (Lugo, 1991) sempre quixo ser escritora, e mesmo actriz, mais foi atrapada pola maxia da fotografía, que se converteu na súa profesión. «Son fotógrafa e artista multidisciplinar». Antes, explica, dicía que era artista visual pero se sente máis cómoda coa expresión «multidisplinar» porque no seu traballo adoita combinar a imaxe con textos e vídeos.
Neste 2024 Sabela Eiriz encadea exposicións, como a do Sarao Studio, en Ferrol, ou a Galería Néboa de Lugo, que conxuga co seu traballo na docencia da expresión plástica na Universidade da Coruña.
A memoria, o baleiro, ou os vínculos son as temáticas que traslocen nunha expresión artística sempre sincera e libre de artificios. Nuclear.

Artes