Miudiño Sessions: Projecto Mourente

martes 10, xaneiro 2023

Desta volta A Regueifa Plataforma foi até Mourente, berce do pai da música dance galegófona, Carlos Valcárcel AKA Projecto Mourente, para filmar unha sesión onde transmutou en crooner tropicalista para agasallarnos con catro temas remesturados ad hoc para a sesión –dous deles inéditos– nos que baixou o tempo a uns BPMs moito máis acaídos para gozar do solpor nunha terraza chill das Rías Baixas que para dalo todo na pista de baile. Unha perfecta banda sonora para animar este húmido inverno interminábel e petiscar o que será o seu vindeiro disco longo.

Créditos

Seguindo o ronsel dos concertos para levar de La Blogotheque, os Tiny Desk Concerts da radio pública norteamericana ou os pioneiros acústicos da MTV dos 90s, A Regueifa 2.0 presenta as Miudiño Sessions, unha serie de micronconcertos de grupos e solistas galegxs en formato mínimo gravados en localizacións singulares.

En anteriores Miudiño Sessions...

Miudiño Sessions

Miudiño Sessions: Secho

A Regueifa Plataforma 2.0 estrea o sexto episodio das súas Miudiño Sessions da man de Secho, desta volta dende o hórreo da Miguensa nas Terras de Iria. Ao acubillo do arco de medio punto dun hórreo que é único en todo o país, o de Dodro debulla tres pezas de "Recuperar", o seu máis recente traballo, na compaña dunha sorte de all-stars da escena galega.

Música
Miudiño Sessions

Miudiño Sessions: Grampoder

Chega unha nova entrega das Miudiño Sessions, desta volta protagonizada por ese dúo autodenominado como de "hardcore comeflores" que responde ao nome de GRAMPODER. Nunha localización digna do Cuéntame máis casposo e kitsch despelican con brutal tenrura catro pezas do seu más recente traballo, PM, disco que precisamente vén de saír en formato vinilo este días. Catro puñadas no estómago de honesto pop guitarreiro que albiscan o que poderemos desfrutar ao vivo este mesmo sábado, 24 de setembro, no Festival Psicotroita de Sigüeiro.
Miudiño Sessions

Miudiño Sessions: Chicharrón

Chega unha nova entrega das Miudiño Sessions da man d'A Regueifa Plataforma 2.0, desta volta con Chicharrón na compaña de Rosalía Fernández Rial nunha localización que resultou ser ben especial, a galería de arte de Manolo Eirín en Carballo.