Miudiño Sessions: Måi

Décima entrega das MIUDIÑO SESSIONS, un proxecto non comercial de difusión da nosa cultura, feito dende a paixón pola música e a lingua pero que tamén ten un certo propósito arquivístico, facendo a foto fixa do momento histórico que estamos a viver –por número e por calidade– de propostas musicais na nosa lingua.

Desta volta a sesión ven protagonizada por Måi, o proxecto de fusión entre o pop, a música tradicional e a electrónica liderado por Iseo Agilda. Con Tomás Ageitos na produción e acompañada por Margarida Mariño ao cello, Icía Sanmartín á pandeireta, Victor Álvarez aos sintetizadores e Migui Carballido á percusión electrónica esfolaron catro temas de Nigredo, o seu disco de debut. Unha obra de clara vocación contemporaneizadora da nosa música que enfía coa nova onda de reinvención do tradi dende o pop e a electrónica que se vén desenvolvendo nos últimos anos con artistas coma Fillas de Cassandra, Mondra, Baiuca, Carabela. Catuxa Salom, CRNDS ou as propias Tanxugueiras. 

Créditos

Seguindo o ronsel dos concertos para levar de La Blogotheque, os Tiny Desk Concerts da radio pública norteamericana ou os pioneiros acústicos da MTV dos 90s, A Regueifa 2.0 presenta as Miudiño Sessions, unha serie de micronconcertos de grupos e solistas galegxs en formato mínimo gravados en localizacións singulares.

Máis Vinte

  • Miudiño Sessions

    Miudiño Sessions: Lucía Aldao

    Desta volta A Regueifa Plataforma 2.0 foi até a casa-museo de Lucía Aldao na cidade da Coruña para filmar unha nova sesión, a novena, na que a música e poeta contou coa colaboración de Óscar Vilariño na guitarra, batería e teclados para amosarnos unhas versións engalanadamente espidas de "Boneca de silveira", "A letra desta canción" e "Unha que soase así". 

    Música
  • Miudiño Sessions

    Miudiño Sessions: DEVALO

    A Regueifa Plataforma 2.0 viaxou até o corazón da Coruña para filmar unha nova entrega das Miudiño Sessions, desta volta protagonizada por DEVALO, o proxecto de synth-pop de David Miranda. Nesta nova sesión, xa a número oito, ofreceunos en formato trío unha escolma dos seus últimos traballos, interpretando "Neve de maio", "Aves negras" e "Houdini" na compaña de Edu Poch (Atrás Tigre) ao baixo e Josen Miranda á guitarra

    Música

Faite de vinte

A partir de 5€ mensuais podes suscribirte a VINTE e colaborar para que sigamos a producir contidos de calidade pagando dignamente as colaboracións de vídeo, fotografía, ilustración, xornalismo e creación de todo tipo.