Estrea exclusiva: Os ukeleles saúdan o verán con aires do Brasil en "Vamos Lá!"

venres 26, xullo 2024

VINTE estrea en exclusiva o novo single da Ukestra do Medio, “Vamos Lá!”, un tema de benvida ao verán con influencias brasileiras que mira cara a Portugal.

Para conseguir a sonoridade deste novo single a Ukestra do Medio empregou distintos tipos de ukeleles (uke barítono, uke tenor, uke de concerto e uke baixo), ademais de instrumentos como o oviño shaker, o vibraslap e unha creativa Nescuica: unha cuíca (instrumento de percusión brasileiro) feita cun bote de Nesquick.

“Vamos Lá!” o segundo adianto do seu próximo disco, que aínda está en pleno proceso creativo, e que a banda de ukeleles de Compostela ten previsto gravar a finais de ano.

A Ukestra do Medio estará o 10 de agosto nas festas de San Lourenzo de Cereixa (Pobra do Brollón) e o 23 de agosto no Dolmen de Dombate (Cabana de Bergantiños).

Créditos

Áudio gravado por Jacobo Iglesias nos Estúdios Potemkin

Vídeo rodado por Arkadia Universe

Música e letra: Ukestra do Medio

Dirección: Luís Taboada

Dirección fotográfica e montaxe: Alberto da Silva Castro

Tamén che interesa

Xa está aquí a Candeloria

En VINTE somos moi de festexar a Candeloria, unha data especial no calendario, que coincide casualmente co Día Internacional do Ukelele. E que mellor forma de conmemorar este día que con música.
A Ukestra do Medio aproveita a unión destas efemérides para presentar “A Candelória”, o seu novo single. Un tema alegre de preludio á primavera que é tamén un adianto do próximo disco do grupo compostelán de ukeleles. “A Candelória” conta cun vídeo realizado pola creadora audiovisual Coral Piñeiro.

Música
"Promesas". Alba Domínguez dirixe o novo videoclip da Ukestra do Médio

"Promesas" é a canción que pecha Histórias cativas, o último disco da Ukestra do Médio, publicado o pasado verán. Hoxe estréase como videoclip nun traballo asinado por Alba Domínguez gravado en 16 mm. Histórias cativas é o seu terceiro disco e con el afianzan a aposta polos temas propios como "Promesas", unha canción que fala das expectativas frustradas e da falsa idea (capitalista) de que podemos conseguir todo o que nos propoñamos se temos suficiente vontade. Unha letra amarga e realista que contrasta co son vitalista da Ukestra do Médio.
A Ukestra do Medio presenta o videoclip de 'Enchoupado de amor'

A Ukestra do Medio lanza o terceiro tema do disco Outras Lérias en formato audiovisual cun videoclip no que confían outra vez no director Aarón Vilariño. "Enchoupado de Amor" é unha música de onda surf intimista que fala «de umha relaçom sincopada e de decisons viscerais e precipitadas. Como todas as histórias de amor, é capaz de estar baseada em feitos reais». O vídeo foi gravado no Concello de Valdoviño e maioritariamente no lugar e na surfeira praia de Pantín.