Existen en Instagram case 70.000 publicacións co cancelo #solpor. Tendo en conta que é unha palabra que só existe en galego, o volume de persoas comunicando na nosa lingua só coa intención de compartir un atardecer bonito impresiona bastante e emociona outro tanto. Imos, pois, cunha escolma de solpores para despedir este verán.
Non botamos as contas exactas, pero Vigo gaña por goleada nisto dos solpores en Instagram
Claro que os solpores que máis e repiten son nas zonas de costa, mais no interior de Galicia tamén hai atardeceres ben xeitosos
Fóra de Galicia tamén empregan o cancelo #solpor, dá igual que estean a centos de quilómetros
Aínda que tampouco temos que irnos tan lonxe...
Algo teñen esas fotos do atardecer que conseguen que moita xente as acompañe de reflexións, citas de libros ou poemas
Tamén nos queda claro que é importante estar ben acompañada cando chega o solpor
E, neste verán en concreto, que non falte a música. Moitos atardeceres desde os festivais para revisitar no inverno
