"Por que tivemos que discutir?" é o novo single de adianto do próximo traballo de Anxo Araújo. Unha canción que fala dos lugares seguros como a casa, a infancia e o amor e que se estrea cun fermoso videoclip asinado por David Silva. 

O novo traballo conserva o carácter do primeiro disco Plan de Urbanismo para un novo couto mixto e incorpora a sonoridade de instrumentos como pandeiros, violíns e a guitarra flamenca. Sons e ritmos para falar do valor das pequenas cousas e manter intacta a aposta de Anxo Araújo por dar continuidade a unha esencia pop con ventos e sintetizadores. «Alegría!».