Os pintores Antón Patiño e Menchu Lamas son referencia no mundo da arte contemporánea e tamén son os pais de Lois Patiño, un dos nosos cineastas con máis proxección internacional. Ademais xuntos protagonizan un "cruzamento audiovisual" no que Lois capturou anacos do seu traballo e da súa vida cotiá, tamén do álbum de fotos familiar, e o músico experimental Jim O'Rourke (que estivo en Sonic Youth e en mil aventuras artísticas máis) púxolles banda sonora.

O resultado é este Jogo Cruzado que xorde da colaboracion de varios proxectos creativos en Portugal –Canal180, Culturgest e gnration– para a programación Órbita deste último. Tal como explican, o Jogo Cruzado é «uma disciplina inventada para chegarmos a um lugar saindo de dois locais opostos. Das plataformas da TV Cabo e online serão mostradas obras audiovisuais originais feitas em sequência artística. Isto é, uma curta-metragem de um artista visual será entregue a um músico para fazer a sua banda sonora e, ao mesmo tempo, uma composição musical será dada a um cineasta para que crie o seu filme. Queremos mostrar como narrativas influenciam outras, como sons e imagens deflagram imagens e sons, como artistas dão continuidade ao fluxo criativo de outros artistas, numa colaboração feita a dois tempos. Pelo caminho, somos confrontados com um jogo artístico cruzado que nos desafia a encontrar o lugar também de espectador dentro do próprio processo». 

A peza audiovisual estreouse a pasada noite na canle de Youtube de gneration.pt, e componse de dous cruzamentos: primeiro o que fixo Jim O'Rourke a partir das imaxes de Lois Patiño, e despois outro no que a artista visual Gemma Hreen-Hope traballou a partir da música da portuguesa Surma.