Cun aire de descuberta inédita case arqueolóxica comeza o tráiler de KIRO, a película sobre Ana Kiro, dirixida por María Yáñez, que está a percorrer festivais e chegará aos cinemas o 11 de decembro.

O adianto pon a énfase nese feito de que mentres milleiros de galegos por todo o mundo celebraban e bailaban coa gran diva pop, Ana Kiro era totalmente descoñecida para o resto. “Entre 1975 e 2000 foi a artista galega máis editada”, di Meiga-i. Iso, cantando en galego daquela, que non era habitual. 

Existe tamén unha certa de polémica política ao redor da súa figura pero Ana Kiro “nunca foi explícita e nunca pagou o prezo de selo”, explica SÉS. 

O de Kiro ía máis de pachanga e seguro que gustaría á mocidade máis verbeneira de hoxe en día.