O rei da cumbia galega undeground e a raíña da canción popular e da verbena xúntanse para levar á pachanga un clásico da música tradicional: "Eu chorar chorei". A versión xa puidéramos vela no especial de Noitevella de Luar na TVG pero agora lánzana ao mundo cun videoclip, dixirido polo gran Xaime Miranda, que nos leva do ganchete á mítica sala de festas La Luna, en Pontevedra, para botar un pé con estética de televisión local dos 90, banda de metais, brillibrilli e todo o garbo do mundo. Todo ben, en definitiva. Que non falte en ningunha festa este verán.