"Chicharras" é o último clip de adianto do EP debut de Catuxa Salom, un canto ás orixes e ás lembranzas dos veráns da infancia. Fusión folktrónica que nace das raíces nativoarxentinas da artista: «Veño dunha terra que canta al son de la chacarera; me llevo su vida y su gracia, pero también me llevé su guerra».

O novo single desborda aires de folclore arxentino ao son do bombo leguero e as frautas andinas, un tema híbrido que mestura o galego e o castelán; a música de raíz con pinceladas de electrónica. O videoclip leva a sinatua de Garagem e conta con Ela de Estela na dirección artística. O 21 de novembro Catuxa Salom lanzará o seu primeiro EP, Nunha aldea, co que percorreu os escenarios de Galicia os últimos meses.