Unha destas 8 cancións vai representar a Portugal en Eurovisión

VINTE

E probablemente sexa a de Conan Osiris, mais non queremos adiantar acontecementos. O Festival da Canção celebra este sábado en Portimao a súa final para elixir o representante de Portugal a Eurovisión e estamos moi pendentes do que aconteza. Dous anos despois de Salvador Sobral e un ano despois de ser o país anfitrión, Portugal afronta cun moi bo nivel musical un concurso cada vez máis globalizado grazas a Youtube. Estas son as 8 propostas que competirán este sábado por viaxar en maio a Tel Aviv. Unha boa maneira de achegarnos á música actual do país veciño. 

E probablemente sexa a de Conan Osiris, mais non queremos adiantar acontecementos. O Festival da Canção celebra este sábado en Portimao a súa final para elixir o representante de Portugal a Eurovisión e estamos moi pendentes do que aconteza. Dous anos despois de Salvador Sobral e un ano despois de ser o país anfitrión, Portugal afronta cun moi bo nivel musical un concurso cada vez máis globalizado grazas a Youtube. Estas son as 8 propostas que competirán este sábado por viaxar en maio a Tel Aviv. Unha boa maneira de achegarnos á música actual do país veciño. 

  • 01

    Calema. "A Dois"

    O dúo Calema é bastante popular en Portugal pero os eurofans din que o seu pop disque é demasiado xenérico para ir a Eurovisión nestas alturas dos anos dez. Estes dous irmáns nacidos en São Tomé e Príncipe son feitiños, correctos, harmónicos e teñen xa pouco máis que rañar no festival. 

  • 02

    Mariana Bragada. "Mar Doce"

    Gústanos a melodía desta canción e a actitude coa que Mariana Bragada a canta. Se fose 2003 se cadra chamaba a atención no festival. E quen sabe se nuns anos tamén, que todo volve e o neohippie por qué non. Pero intuímos que agora mesmo non tería moito que facer nese tipo de festival.

  • 03

    Matay. "Perfeito"

    Matay ten unha voz marabillosa e a canción é bonita pero ‘Perfeito’ tal vez se imite demasiado a ‘Amar pelos dois’, de Salvador Sobral. Potencial para chegar a unha final eurovisiva e quedar en bo posto teno todo, mais unha balada así só dous anos despois de Sobral teno complicado. 

  • 04

    Surma. "Pugna"

    Surma foi unha das máis valoradas do xurado, se ben o público non o ten tan claro. Demasiado moderna para festival?  Demasiado parecida a outras modernas que participan en Eurovisión cada ano da era post-Bjork?  Tanto ten, con Eurovisión ou sen ela Surma mola moito. 

  • 05

    NBC. "Igual a Ti"

    O austríaco Cesár Sampson coa súa voz de barítono o pasado ano en Eurovisión deixou pegada en cantantes como Famous de Operación Triunfo 2018 ou NBC, que presenta esta canción de soul moderno bastante esquecible. 

  • 06

    Madrepaz. "Mundo a mudar"

    Unha preciosa canción indie-folk cuns intérpretes "muito afinadinhos", segundo os comentaristas de Youtube, e unhas maquillaxes que se precisan para non pasar desapercibidos nun festival de música lixeira, ou na quenda de tarde do festival de Paredes de Coura. 

  • 07

    Ana Cláudia. "Inércia"

    Ana Cláudia é a máis diva que presenta Portugal este ano, mais se cadra non abonda con ter voz e carisma mentres non aposte por un estilismo un pouco máis contundente. Porque a canción en si tampouco nos di demasiado. 

  • 08

    Conan Osiris. "Telemóveis"

    Este ano hai un claro favorito e é Conan Osiris, posiblemente a proposta máis orixinal e moderna que levaría nunca Portugal a Eurovisión. En VINTE comprámoslle todo: as pintas, a coreografía, os tenis futuristas, o título (“Telemóveis” moito mellor que “Pugna” ou “Inercia”), os sons electrónicos con toques africanas e ciganas. Conan Osiris é o nome artístico de Tiago Miranda, un rapaz de 30 anos cun pasado marcado polas substancias tóxicas e que traballa polo día nunha sex-shop de Lisboa, un dato que escoitaredes moitas veces de aquí á final de Eurovisión en Telaviv, da que xa é favorito tamén porque malo será que non gañe o sábado en Portimao. 

Faite de vinte

A partir de 5€ mensuais podes suscribirte a VINTE e colaborar para que sigamos a producir contidos de calidade pagando dignamente as colaboracións de vídeo, fotografía, ilustración, xornalismo e creación de todo tipo.