VINTE colabora con Deleite para coñecer e compartir o talento de algúns dos músicos máis interesantes que agroman no panorama galego. Nesta ocasión estivemos almorzando en Ourense con Os Amigos dos Músicos, a quen poderedes ver este verán xirando polo país.
VINTE.
Estreamos colaboración con Deleite: unha serie de reportaxes en vídeo nas que entrevistaremos a talentos emerxentes do noso país mentres almorzamos con eles no seu contorno habitual. E empezamos con Blanco Palamera, un dúo compostelán de pouco máis de vinte anos que están a ser unha das grandes revelacións do ano co seu pop electrónico con toques de música negra (jazz, soul, rnb, bossanova).
