Recuncamos no Vinte almorzando dan man de Deleite e falamos con Xosé Antonio Touriñán. O actor e humorista recibiunos na súa casa e con el conversamos sobre a necesidade de rir todos os días, dos seus comezos «por casualidade», de traballar moito e gozar coa profesión, de premios non gañados ou dos acentos –que non falten- no audiovisual.
Xarda, cooperativa galega de comunicación.
Coa colaboración de
Tamar Novas exerce de galego en Madrid desde hai anos, rodeado de amigos cos que mantén a lingua, o amor pola nosa cultura e a necesidade de xuntarse cada pouco diante dunha boa comida. O actor compostelán recibiu o Chimpín de Prata este ano no Festival de Cans e aproveitamos a ocasión para almorzar con el e con Deleite, recordando os almorzos contundentes que lle facía a súa avoa en Melide.
Coa colaboración de
Almorzamos coa música Guadi Galego con motivo do seu concerto no festival Revenidas 2021 en Vilaxoán. Falamos da vida cotiá e de como a pandemia mudou as nosas rutinas, pero tamén creou o espazo e o tempo para impulsar o seu último disco, 'Costuras'. Tamén do regreso ao directo e da enerxía especial que se creou nos concertos. Coa colaboración de Deleite.
Coa colaboración de
Desta volta convidamos a almorzar con Deleite a Fer e a Berto, do dúo compostelán Verto, que están a conquistar os auriculares da xente moza coa súa música desprexuizada e "consumible", como din eles, que leva o pop en galego a novos públicos dentro e fóra de Galicia. Co seu novo disco 'Embora', inspirado na música dos 80, acadaron os 60 mil oíntes mensuais en plataformas como Spotify e demostran que o galego non é un obstáculo para triunfar cando o produto é de calidade, e mesmo lles dá valor a proxectos coma o deles.
Co patrocinio de
Almorzamos na cociña de leña da casa de Óliver Laxe. O cineasta recibiunos na súa aldea dos Ancares, onde naceu a película e onde se rodou a maior parte dela. Alí prepara un novo proxecto pero non cinematográfico: vai crear un centro pedagóxico e terapéutico que tamén será unha granxa e un espazo cultural, rehabilitando varias casas do lugar, incluída a de seus avós. Co patrocinio de Deleite.
A escritora Ledicia Costas recíbenos na súa casa do barrio de Navia, en Vigo, para convidarnos a almorzar e conversar sobre o éxito de 'Infamia' e de toda a súa obra de literatura infantil e xuvenil. Tamén sobre as súas rutinas de traballo, o futuro do galego ou a súa afección polo 'Animal Crossing'.
