A banda coruñesa saca o segundo single de adianto do seu próximo LP,  'Asexan, espreitan', que verá a luz o 27 de maio da man de Spinda Records. Diego Veiga, vocalista e compositor, cóntanos que este tema é unha «balada a modo de romance de cego na que conto a historia do meu bisavó materno Andrés, tratante de gando e natural da parroquia de Orois (Melide) que foi asasinado a comezos do século XX por dous ladróns na carballeira de Ribadiso (Arzúa) cando voltaba da feira.»