"Nadie puede abrir semillas en el corazón del sueño", escribiu hai case un século Federico García Lorca. Esas sementes abríronse en canal cando Camarón de la Isla levou aqueles versos á súa voz, revolucionando canda o seu produtor Ricardo Pachón o flamenco nun momento no que a ortodoxia do xénero era extrema e as olladas aperturistas mirábanse con incluso más receos que agora.

Algo similar ao que levan anos vivindo Xosé Lois Romero & Aliboria, un proxecto tamén revolucionario para a música tradicional galega, xuntando distintos códigos nas súas actuacións en solitario e tamén acompañando en directo a Baiuca ou Vetusta Morla. Agora os camiños de Camarón e de Aliboria quedan cruzados para seempre coa versión deste himno universal do flamenco, que vén acompañada dun fantástico videoclip realizado por Adrián Canoura, creador audiovisual que adoita acompañar a Baiuca.